Flash News

Protestuesit ‘pushtojnë’ rrugët e Tiranës, motoristët i bashkohen qytetarëve

Vlorë/ I riu qëllohet sapo doli nga kafja, autori e priste me motor

Plagosja me armë në Shijak, dalin emrat. Pronari i lokalit i plagosur, autori në arrati

Të shtëna me armë në Shijak

Aksident zinxhir në Morinë–Kukës

E-TJERA

Hetimet për sulmin ndaj Ranuccit përqëndrohen tek Artur Shehu, gazetari e denoncoi për lidhjet me Cosa Nostra-n

Politiko 26 Nëntor 2025, 16:09

Hetimet për sulmin ndaj Ranuccit përqëndrohen tek Artur Shehu,

Hetimet për shpërthimin pranë banesës së gazetarit italian Sigfrido Ranucci, natën e 16 tetorit, kanë marrë një kthesë të re, duke çuar hetuesit përtej Romës e deri në Shqipëri.

Mbi një muaj pas ngjarjes, prokuroria italiane po përqendron vëmendjen tek një emër i vetëm: Artur Shehu, 58 vjeç, biznesmen shqiptar i zhvendosur prej vitesh në Shtetet e Bashkuara, i njohur nga disa hetime si figurë me lidhje të rëndësishme kriminale, shkruajnë mediat italiane.

Sipas burimeve hetimore, emri i Shehut iu referua edhe Drejtorisë Hetimore Antimafia, në bazë të informacioneve të mbledhura nga Vlora. Pista shqiptare është duke u trajtuar si e besueshme, sidomos pas një episodi të transmetuar më 21 prill 2024 nga emisioni investigativ “Report”, ku Shehu përmendej disa herë në kontekst të trafikut ndërkombëtar të drogës, lidhjeve të nivelit të lartë dhe kontakteve me grupe mafioze italiane si Cosa Nostra dhe Sacra Corona Unita.

Në atë episod televiziv, u bë gjithashtu publik fakti se Shehu kishte dhuruar 30 mijë metra katrorë tokë pranë Vlorës për një fondacion të drejtuar nga gjeneral Fabrizio Lisi, ish-kreu i Interpolit në Shqipëri – një donacion i ndërmjetësuar nga avokati Enjell Agaci, sekretar i përgjithshëm i Këshillit të Ministrave. Ky element u konsiderua “i ndjeshëm” për shkak të lidhjeve të mundshme me figura shtetërore shqiptare.

Paralelisht, magjistratët e Drejtorisë Anti-Mafia të Romës dhe karabinierët e njësive hetimore të Frascati dhe Via In Selci po kryejnë verifikime të thelluara për aktivitetet, lëvizjet dhe lidhjet e Shehut, për të kuptuar nëse përmbajtja e episodit të “Report” mund të ketë prekur interesa të huaja dhe të ketë sjellë pasoja hakmarrëse.

Hetimet mbeten të hapura edhe në pista të tjera. Sipas autoriteteve, sulmi ndaj Ranuccit nuk shihet si akt i izoluar. Në verë, dikush dyshohet se ka tentuar të hyjë me forcë në shtëpinë e dytë të gazetarit, çka ka shtuar dyshimet për një skenar të mirëorganizuar presioni ose intimidimi.

Ndërkohë, Ranucci ka marrë mbështetje të gjerë publike dhe institucionale. Rasti ka ngritur shqetësime për sigurinë e gazetarëve investigativë dhe ndërthurjen e interesave të krimit të organizuar me çështje të ndjeshme politike e ekonomike.

 

Të fundit