Flash News

Protestuesit ‘pushtojnë’ rrugët e Tiranës, motoristët i bashkohen qytetarëve

Vlorë/ I riu qëllohet sapo doli nga kafja, autori e priste me motor

Plagosja me armë në Shijak, dalin emrat. Pronari i lokalit i plagosur, autori në arrati

Të shtëna me armë në Shijak

Aksident zinxhir në Morinë–Kukës

E-TJERA

OBSh sjell 1000 oksimetra të dhuruara nga Gjermania për pacientët COVID-19 në Shqipëri

Politiko 16 Janar 2021, 10:41

OBSh sjell 1000 oksimetra të dhuruara nga Gjermania për pacientët

Gjermania dhuron 1000 pajisje oksimetra të pulsit për Shqipërinë, sjellja e të cilave u realizua nga Zyra e OBSh-së në Shqipëri. Pacientët e diagnostikuar me COVID-19 me rrezikshmëri të lartë do të mund ta përdorin këtë pajisje për të monitoruar më mirë veten e tyre teksa luftojnë virusin.

Oksimetrat i’u dorëzuan autoriteteve shëndetësore shqiptare në një ceremoni të organizuar me praninën e Ogerta Manastirliu, Ministre e Shëndetësisë dhe Mbrojtjes Sociale, Peter Zingraf, Ambasador i Republikës Federale të Gjermanisë në Shqipëri, dhe Dr. Bettina Menne, Përfaqësuese e OBSh-së dhe Drejtuese e Zyrës së OBSh-së në Shqipëri.

Oksimetria e pulsit është një mënyrë e padhimbshme dhe e besueshme për matjen e niveleve të oksigjenit në gjak të një personi nga klinicistët, e cila mund t’i ndihmojë pacientët për të përcaktuar se kur mund të kenë nevojë për të kërkuar një shkallë më të lartë kujdesi shëndetësor

Duke shprehur mirënjohje për Qeverinë e Republikës Federale të Gjermanisë dhe mbështetjen e vazhdueshme që i ka dhënë Shqipërisë për të përballuar këtë luftë me armikun e padukshëm, Ministrja Manastirliu theksoi se “luftën me COVID-19 do ta fitojmë duke qenë bashkë dhe solidarë me njëri-tjetrin!”

Në fjalën e tij gjatë ceremonisë, Ambasadori Zingraf theksoi se “Gjermania është e lumtur të vazhdojë mbështetjen e saj për Shqipërinë në luftën kundër pandemisë dhe, në këtë mënyrë, të plotësojë mbështetjen e madhe që Bashkimi Europian i ka dhënë Shqipërisë.”

Teksa OBSh-ja dhe partnerët vijojnë punën për sigurimin e plotësimit të angazhimeve për furnizimet e nevojshme të përgjigjes ndaj COVID-19, përfshirë pajisjet personale mbrojtëse, ato të testimit diagnostik dhe kujdesit klinik, Dr. Menne theksoi se Zyra e OBSh-së në Shqipëri mundësoi sjelljen e shpejtë dhe në kohë të donacionit të ndihmës humanitare prej 1000 pajsijesh oksimetrie nga Gjermania në Shqipëri. “Ne jemi në këtë betejë së bashku! Askush nuk është i sigurt, derisa të gjithë të jemi të sigurt!” – tha ajo.

Për herë të parë, OBSh-ja e mbështeti teknikisht Shqipërinë për t'u përfshirë në një provë të madhe ndërkombëtare: me 65 pacientë pjesëmarrës, ajo është një nga vendet e grupit të shtevete të përfshira në Provën Ndërkombëtar të Solidaritetit të OBSh-së – ku arritën të grumbulloheshin 12 000 pacientë në më shumë se 500 spitale në mbarë botën - për të përcaktuar nëse kombinime të ndryshme të baranve mund të kenë ndonjë efekt në shkallën e vdekshmërisë, nisjen e ventilimit dhe kohëzgjatjen e qëndrimit në spital të pacientëve me COVID-19.

Më tej, OBSh-ja dhe partnerët po punojnë me Shqipërinë, së bashku me vendet e tjera, përmes Instrumentit të COVAX-it, për të siguruar një qasje të drejtë e të barabartë të të gjitha shteteve ndaj vaksinës, dhe përmes kornizës së alokimit për përcaktimin e përparësive brenda cdo vendi të grupeve të para të disponueshme të vaksinës.

Presidenti Donald Trump do të largohet nga Uashingtoni të Mërkurën në mëngjes, përpara inaugurimit të Presidentit të zgjedhur Joe Biden, sipas një personi të njohur me planifikimin i cili foli në kushte anonimiteti sepse vendimi nuk ishte bërë publik. Trump tashmë kishte njoftuar se nuk do të merrte pjesë në thyerjen e traditës së inaugurimit të Biden pasi kaloi muaj të tërë duke bërë akuza të pabazuara për mashtrim të votuesve në një përpjekje për të legjitimuar presidencën e Biden. Zëvendës Presidenti Mike Pence do të marrë pjesë në vend të tij. Trump pritet të qëndrojë në Florida me një grup të vogël ndihmësish.