Flash News

SPAK operacion në Devoll, kontrolle në banesën e ish-kreut të Policisë Bashkiake

Pankarta që “preku” Klosin: Rama apo Bela, kush ishte arsyeja?

Ramës i dalin telashe edhe në Zvicër? Ja çfarë po ndodh me skulpturën e tij

Krimi që tronditi Lezhën, arrestohet personi që fshehu makinën e autorëve të vrasjes së çiftit Mujeci

Deklarata e Marta Kos, reagon PD: Bazohet në informacionet e rreme të Ramës

SPORT

Heroi i Ganës shkruan histori në Botëror, Yirenkyi thyen një rekord 36-vjeçar

Politiko 18 Qershor 2026, 08:58

Heroi i Ganës shkruan histori në Botëror, Yirenkyi thyen një

Pas disfatës 4-2 të Kroacisë ndaj Anglisë në ndeshjen e parë të Grupit L, Gana mori një fitore shumë të rëndësishme ndaj Panamasë, falë një goli të shënuar në sekondat e fundit të sfidës. Heroi i afrikanëve ishte Caleb Yirenkyi, i cili realizoi në minutën e pestë shtesë dhe vulosi suksesin 1-0 të ekipit të tij.

Ky gol nuk i dha vetëm tri pikë Ganës, por i siguroi edhe një vend në historinë e Kupës së Botës mesfushorit 20-vjeçar. Në moshën 20 vjeç e 153 ditë, Yirenkyi u bë futbollisti më i ri që ka shënuar ndonjëherë golin e fitores në kohën shtesë të një ndeshjeje të Botërorit.

Me këtë realizim, ai la pas rekordin e uruguaianit Daniel Fonseca, i cili e mbante këtë statistikë që prej Kupës së Botës 1990, kur shënoi ndaj Koresë së Jugut në moshën 20 vjeç e 281 ditë.

Në renditjen historike pas tyre vijnë edhe emra të njohur si Haris Seferović, që realizoi për Zvicrën kundër Ekuadorit në vitin 2014, Harry Kane me golin ndaj Tunizisë në Botërorin 2018, si dhe Edgar Davids, që i dha Holandës fitoren kundër Jugosllavisë në vitin 1998.

Me golin vendimtar ndaj Panamasë, Caleb Yirenkyi jo vetëm që u kthye në protagonistin e mbrëmjes për Ganën, por shkroi emrin e tij mes rekordeve më të veçanta në historinë e Kupës së Botës.

Të fundit