Flash News

Dhunimi i çiftit në Fushë-Arrëz, flet i lënduari: 5 persona u prezantuan si policë...

Bordi i Transparencës cakton çmimet e reja të karburantit, ulet nafta dhe benzina

Vijojnë kërkimet në Liqenin e Ulzës për 37-vjeçarin e zhdukur

Këmbimi valutor 17 qershor/ Me sa blihen e shiten dollari dhe euro

Analiza e "The Brussels Times": Pse Ramës dhe Vuçiçit u leverdis më shumë vonesa sesa anëtarësimi?

Ditari i Opozitës

Berisha: Rama e trajtoi mjedisin si plaçkë, shkatërroi parqe e zona të mbrojtura

Politiko 17 Qershor 2026, 11:44

Berisha: Rama e trajtoi mjedisin si plaçkë, shkatërroi parqe e

Kreu i opozitës akuzon qeverinë për dëmtimin e parqeve kombëtare dhe shkatërrimin e trashëgimisë natyrore të vendit.

Në një takim me demokratë dhe përfaqësues të Departamentit të Arsimit, kreu i Partisë Demokratike, Sali Berisha, deklaroi se partia që ai drejton ka qenë në vijën e parë të mbrojtjes së mjedisit, duke kundërshtuar, sipas tij, projektet dhe ndërhyrjet që kanë dëmtuar pasuritë natyrore të vendit.

Berisha e cilësoi kryeministrin Edi Rama si “një Neron të vërtetë për mjedisin”, duke e akuzuar se gjatë viteve të qeverisjes ka lejuar dëmtime të rënda në zonat e mbrojtura.

Sipas tij, një nga aspektet më pozitive të protestës qytetare është pjesëmarrja masive e të rinjve në mbrojtje të mjedisit, çka, sipas Berishës, tregon një rritje të ndërgjegjësimit për rëndësinë e natyrës dhe biodiversitetit.

Kreu demokrat solli si shembuj Parkun Kombëtar të Dajtit, Parkun e Shëngjergjit dhe zonat pyjore të Leskovikut, për të cilat pretendoi se janë dëmtuar nga shfrytëzimi i pakontrolluar i burimeve natyrore.

PJESE NGA FJALA 

Por çdo demokrat e demokrate duhet ta dijë, ta rikujtojë se kemi qëndruar me të gjithë potencialin tonë në një kohë kur askush s’ka qëndruar tjetër përveç nesh edhe për çështjet mjedisore.
Në qoftë se kjo protestë ka një mrekulli, ka një mrekulli të vërtetë edhe dimensionin e saj mjedisor. Kur sheh këta të rinj, këta dhjetëra mijëra të rinj që protestojnë për çështje mjedisi, çka do të thotë se në ndërgjegjen e tyre mjedisi, që është jeta në të vërtetë, ka një rol qendror, dhe ky është një zhvillim jashtëzakonisht pozitiv për vendin dhe për kombin.
E vërteta është se, në mënyrë absolute, në të gjitha rastet, ne kemi respektuar jo vetëm ligjin kombëtar, por dhe ligjin ndërkombëtar për mjedisin.
Çështja e mjedisit, sikundër të themi të vërtetën, dhe çështja e të drejtave të njeriut, dhe çështja e votës, janë sa kombëtare aq dhe ndërkombëtare.
Edi Rama ka qenë një Neron i vërtetë për mjedisin. Shikoni pak 15-20 kilometra këtu në Parkun e Dajtit se si ia kanë shtruar malin... e kanë shtruar në gurore masive oligarkët e Edi Ramës. Dajti është park kombëtar. Një gur të vetëm nuk mund ta marrësh në përputhje me ligjet e vendit.
Por ligji për Ramën dhe oligarkët e tij nuk ekziston, se nuk mund të nxirrte gurë tjetërkund ai që i duheshin gurët, po duhet të zhvishte shpatin e Dajtit dhe ta shëmtonte atë në mënyrë të tillë.
Shikoni në Parkun e Shëngjergjit. Park kombëtar. Se si e ka bërë me druvarët e tij Taulant Balla. Hero i vërtetë një gazetar. Nuk e harroj që u shkonte mbrapa dhe që druvarët dhe mafia e druve e kërcënonin me jetë. Sepse kishin mbrojtjen dhe aksioner ishte Balla.
Shikoni në Parkun e Leskovikut se si u shndërruan pyje të tëra në qymyr druri.
Por mbi të gjitha u kafshua Parku i Butrintit. Nuk e di nëse e keni vizituar apo jo, por Butrinti është një nga mrekullitë më të mëdha jo vetëm arkeologjike, por arkeologjike dhe natyrore. Ai është një mrekulli e rrallë natyrore, në biodiversitetin e tij, në peizazhin e tij.
Dhe ju them juve, të dashur miq, absolutisht gjatë tetë viteve ndërhyrja e vetme ka qenë zgjerimi i rrugës për shkak të shtimit të fluksit të turistëve. Asnjë ndërhyrje tjetër. Ai ruhej i tërë.
Ajo është një mrekulli e papërsëritshme që duhet të kalojë e tillë nga gjenerata në gjeneratë. Duhet ta trashëgojnë shqiptarët që vijnë.
Erdhi, aktin e parë, ndau parkun natyror nga parku arkeologjik. Vetëm këtë donte Edi Rama.
E kundërshtuam me të gjitha forcat, e kundërshtuam në mënyrën më të fuqishme, kundërshtuam ligjin.
Partia Demokratike organizoi një seri tryezash shëtitëse. Kundërshtuam çdo gjë.
Çfarë doli mbrapa? Dolën ndërtimet e qeveritarëve tek Gjiri i Manastirit dhe një seri ndërhyrjesh të tjera në një park që çdo gjeneratë kishte detyrë kryesore mirëmbajtjen dhe përcjelljen tek gjenerata tjetër.
Dhe, në fakt, këtu probleme serioze u krijuan me modelet e vendosura inekzistente dhe në kundërshtim me Kushtetutën e vendit, sepse aty u krijua një bord ku shteti, përgjegjësi numër një i mbrojtjes dhe ruajtjes së trashëgimisë kulturore, pranoi pozicionin e minorancës.
Dhe imagjinoni ju tani, është anëtare e bordit një zonja Margariti, e cila tani mund të jetë emigrante në ndonjë vend tjetër dhe parku është në duart e të tjerëve vetëm e vetëm se Edi Rama donte patjetër të ndante pjesën urbanistike, pra të ndahej qyteti i Butrintit nga pjesa natyrore e parkut.

Të fundit