Flash News

SPORT

Ikona e Botërorit sinjalizon fundin e karrierës pas Kupës së Botës 2026

Ikona e Botërorit sinjalizon fundin e karrierës pas Kupës së

Portieri legjendar i Meksikës, Guillermo Ochoa, ka lënë të hapur mundësinë që Kupa e Botës 2026 të shënojë fundin e rrugëtimit të tij në futbollin profesionist.

Në moshën 40-vjeçare, Ochoa po përjeton pjesëmarrjen e tij të gjashtë në një Botëror, duke u renditur mes lojtarëve me më shumë paraqitje në historinë e këtij kompeticioni. Ai ka qenë pjesë e listës së Meksikës në çdo Kupë Bote që nga viti 2006, ndërsa u shndërrua në simbol të kombëtares falë pritjeve spektakolare në Brazil 2014, Rusi 2018 dhe Katar 2022.

Heroi i meksikanëve kujtohet veçanërisht për paraqitjen brilante ndaj Brazilit në vitin 2014, suksesin historik ndaj Gjermanisë në Botërorin e Rusisë dhe penalltinë e pritur ndaj Robert Lewandowskit në Katar.

Aktualisht pjesë e klubit AEL Limassol, Ochoa ishte në stol në ndeshjen hapëse të Meksikës në Botërorin 2026 dhe ende nuk dihet nëse do të ketë minuta në sfidat e ardhshme të grupit.

Në një intervistë  për FIFA-n, portieri veteran nuk i mbajti lotët teksa lexonte një mesazh nga vajza e tij. Pikërisht gjatë këtij rrëfimi ai la të kuptohet se fundi i aventurës me kombëtaren mund të nënkuptojë edhe mbylljen e karrierës.

“Përfaqësuesja e Meksikës ka qenë gjithmonë busulla ime. Tani që koha ime me kombëtaren po shkon drejt fundit, nuk e shoh më të njëjtin kuptim te futbolli”, u shpreh ai mes emocionesh.

 

Të fundit