Flash News

Nga Dritan Gjika te Armando Pacani, publikohen emrat e të akuzuarve për trafikun e kokainës

Shoqëria civile e rreme dhe ajo e vërteta

Bordi i Transparencës njofton çmimet e reja të karburanteve

Matura Shtetërore/ 26 mijë nxënës i nënshtrohen sot provimit të Matematikës

Dyshohet se u mbyt në Liqenin e Ulzës, ende asnjë gjurmë nga 37-vjeçari

Ditari i Opozitës

Berisha: Opozita është nën tiraninë mediatike, Rama mashtroi me studimin për mediat

Politiko 16 Qershor 2026, 12:20

Berisha: Opozita është nën tiraninë mediatike, Rama mashtroi

Kreu i Partisë Demokratike, Sali Berisha, akuzoi kryeministrin Edi Rama se ka mashtruar publikun dhe ndërkombëtarët duke paraqitur sipas tij në mënyrë të shtrembëruar një studim mbi mediat në Shqipëri.

Në një konferencë për shtyp, Berisha deklaroi se studimi të cilit i referohet Rama nuk provon se mediat janë të kapura nga opozita, por sipas tij tregon të kundërtën, duke dëshmuar atë që ai e quajti “tirani mediatike” ndaj opozitës.

Sipas Berishës, kryeministri ka pretenduar në mënyrë të pavërtetë se shumica e mediave janë në favor të opozitës, ndërsa ai këmbënguli se mediat kryesore në vend kontrollohen nga qeveria përmes favoreve, lejeve të ndërtimit, tenderëve publikë dhe përfitimeve të tjera.

Lideri demokrat tha se raportet e pavarura flasin për një dominim të qeverisë në hapësirën mediatike, duke pretenduar se 90-93 për qind e lajmeve dhe editorialeve janë në favor të qeverisë.

PJESE NGA DEKLARATA

Sot, jam para jush për të faktuar me studime të porositura nga Edi Rama, tiraninë mediatike ndaj opozitës shqiptare në Shqipëri.
Edi Rama para pak kohësh me paturpësi ekstreme, dhe theksoj se kur nuk ke turp, bën çdo gjë dhe thua çdo gjë, u paraqit para shqiptarëve dhe opinionit ndërkombëtar si qeveri e një vendi në të cilin mediet ishin të kapura nga opozita.
Në shkallë ekstreme paturpësie ai u referua një studimi që provon absolutisht të kundërtën në raport me opozitën, provon tiraninë e medieve të kontrolluara nga Rama ndaj opozitës, sipas të cilit mediat në 67 përqind të tyre qenkan për opozitën dhe vetëm në 30 e sa përqind për qeverinë.
Një deklaratë të tillë mund ta bëjë një njeri që ka humbur kontrollin psikik, por jo nga sëmundja, nga transformimi i tij i tmerrshëm psikologjik.
Studimi në fjalë, që i referohet Edi Rama, nuk ka asnjë lidhje absolute me studimin e kapjes së medieve.
Jo dhe jo.
Kapja e medieve ka treguesit e vet dhe nuk ka media më të kapura në Evropë se mediat private në Shqipëri, nuk po flas për shtetëroren po e po, të cilat marrin titullin e investitorit strategjik, të cilat marrin dhurata 4500 katrorë tokë në mes të Tiranës, e lënë për gjimnaz.
Nuk ka media më të kapura në botë, të cilat ushqehen me leje të paligjshme ndërtimi.
Të cilat, siç është faktuar, marrin miliona e miliona euro nga tenderat e rrugëve dhe punëve publike me qëllimin e vetëm të mbrojnë qeverinë dhe të sulmojnë opozitën.
Nuk ka një zyrë tjetër të faktuar, e cila drejton jo vetëm lajmin, por drejton edhe editorialet.
Raportet e pavarura dhe të vërteta që kanë studiuar kapjen e medieve, kanë treguar se ato në 90-93 përqind të tyre në lajme dhe editoriale kontrollohen nga qeveria dhe janë për qeverinë.

Të fundit