Flash News

Shoqëria civile e rreme dhe ajo e vërteta

Bordi i Transparencës njofton çmimet e reja të karburanteve

Matura Shtetërore/ 26 mijë nxënës i nënshtrohen sot provimit të Matematikës

Dyshohet se u mbyt në Liqenin e Ulzës, ende asnjë gjurmë nga 37-vjeçari

Sarandë/ Skafi përplaset me mjetin lundrues të Policisë Kufitare, vdes i riu, plagosen dy të tjerë

E-TJERA

Ndërtuan kate shtesë pa leje në Tiranë, Prokuroria kërkon “arrest me burg” për 4 persona

Politiko 16 Qershor 2026, 09:58

Ndërtuan kate shtesë pa leje në Tiranë, Prokuroria

Prokuroria e Tiranës ka kërkuar masën e sigurisë “Arrest në burg” për katër persona të dyshuar për ndërtim të paligjshëm në kryeqytet, pas zbulimit të shkeljeve të rënda në një objekt .

Sipas hetimeve, të dyshuarit kanë tejkaluar parametrat e lejes së ndërtimit duke shtuar kate të paautorizuara dhe duke kryer shitje informale për shmangien e detyrimeve fiskale, ndërsa prokuroria ngre dyshime edhe për mosveprim nga strukturat përgjegjëse të inspektimit të territorit.

Njoftimi: 

Prokuroria pranë Gjykatës së Shkallës së Parë të Juridiksionit të Përgjithshm, Tiranë, dha masën e sigurimit ‘Arrest në burg’ për katër shtetasit Mirsim Jella, Fiqiri Lika, Ferdinand Shtëmbari dhe Adriatik Shtëmbari, të dyshuar për veprën penale ‘Ndërtim i paligjshëm’, parashikaur nga neni 199/a/4 e 25 i Kodit Penal.

Nga hetimet mbi procedimin penal nr.3193 datë 08.05.2026, rezultoi se këta shtetas kanë tejkaluar parametrat e lejes së ndërtimit, në një ndërtim në Rrugën “Llukë Kaçaj”, konkretisht mbrapa “Spitalit Amerikan 2”, si dhe po kryejnë punime ndërtimore jashtë kushteve të miratuara në projektin përkatës dhe kanë ushtruar aktivitet në kundërshtim me legjislacionin në fuqi, duke tejkaluar parametrat e lejes së ndërtimit dhe duke realizuar shitje në mënyrë informale, me qëllim shmangien e detyrimeve fiskale.

Nga analiza e rrethanave të faktit dhe kohëzgjatjes së aktivitetit ndërtimor rezulton se objekti në fjalë është ndërtuar përgjatë një periudhe disa vjeçare, gjatë së cilës dyshohet se, pavarësisht faktit që janë kryer punime ndërtimore në kundërshtim me lejen e ndërtimit, shkeljet kanë qenë të vazhdueshme dhe të dukshme në terren. Megjithatë, nuk rezulton të jenë marrë masa administrative apo ndëshkuese nga strukturat përgjegjëse të IMT-së dhe IKMT-së. Në këto kushte krijohet dyshimi i arsyeshëm se punonjës apo funksionarë të strukturave të inspektimit të territorit, të cilët kanë pasur detyrimin ligjor për të kontrolluar, evidentuar dhe ndaluar këto shkelje, nuk kanë vepruar në përputhje me ligjin.
Nga dokumentacioni tekniko-ligjor rezulton se leja e ndërtimit për një tjetër pallat ka qenë për 2 kate nën tokë dhe 9 kate mbi tokë. Nga kqyrja e objektit në ndërtim, rezulton se janë ndërtuar dy kate shtesë në lartësi, pra objekti nuk është me 9 kate mbi tokë, por me 11 kate mbi tokë. Referuar të dhënave të administruara nga IMT Bashikia Tiranë, janë ndërtuar 2550 m2 më shumë se sa janë parashikuar në lejen e ndërtimit (kati 10 dhe 11) në tejkalim të lejes së ndërtimit.

Nga hetimi dhe të dhënat e siguruara rezulton e provuar se shtetasit M.J., F.L., F. Sh. dhe A. Sh. kanë konsumuar elementët respektive për konfigurimin e veprës penale “Ndërtimi i paligjshëm” të parashikuar nga neni 199/a/4 e 25 të Kodit Penal.

Ndodhur në këto rrethana, ndaj shtetasve M.J., F.Sh., F.L dhe A.Sh, lind nevoja e caktimit të masës së sigurimit personal me karakter shtrëngues ‘Arrest në burg’, pasi ekzistojnë kushtet dhe kriteret ligjore për caktimin e masave të sigurimit personal të parashikuara nga nenet 228, 229, 230 të K.Pr.Penale. Konkretisht ekziston dyshimi i arsyeshëm i bazuar në prova se kanë kryer veprën penale “Ndërtimi i paligjshëm”, parashikuar nga neni 199/a/4 e 25 të Kodit Penal, nuk ka shkaqe padënueshmërie apo shuarje të veprës penale e të dënimit.

Të fundit