Flash News

Malësi e Madhe/ Asgjësohen 306 bimë narkotike, arrestohen dy persona

Akuzat se familja e tij ka përfituar 63 hektarë tokë në Divjakë, reagon Berisha: Sulm i orkestruar

Aksident në aksin Levan-Vlorë, rëndohet trafiku në autostradë

Posta e mëngjesit/ Me 2 rreshta: Çfarë pati rëndësi dje në Shqipëri

Aksident në superstradën Lezhë–Milot, 3 të plagosur

Ditari i Opozitës

Berisha: Dosja e Zvërnecit është përgjegjësi direkte e Ramës, leja e ndërtimit u dha në janar

Politiko 20 Qershor 2026, 13:00

Berisha: Dosja e Zvërnecit është përgjegjësi direkte e

Kryetari i Partisë Demokratike, Sali Berisha, në një komunikim me qytetarët në rrjetet sociale, akuzoi kryeministrin Edi Rama si përgjegjësin kryesor për atë që e quajti “dosja e Zvërnecit”, duke pretenduar se janë shkelur ligjet shqiptare dhe ato ndërkombëtare për mbrojtjen e mjedisit.

Berisha deklaroi se Rama ka vepruar pa transparencë dhe në kundërshtim me procedurat ligjore, duke lëshuar jo vetëm lejen e zhvillimit, por edhe lejen e ndërtimit për projektin në Zvërnec në janar të këtij viti.

“Edi Rama ka mashtruar kompanitë dhe opinionin publik. Ai ka lëshuar lejen e ndërtimit për tre blloqe dhe i fsheh këto fakte. Madje, sipas dokumenteve, kompania ka kërkuar me noter anulimin e lejeve të ndërtimit”, u shpreh Berisha.

Sipas tij, qeveria ka injoruar detyrimet që rrjedhin nga procesi i integrimit europian, duke mos respektuar direktivat e Bashkimit Europian për habitatet natyrore dhe mbrojtjen e biodiversitetit.

Kreu i demokratëve akuzoi gjithashtu Ramën për ndryshimin e ligjit për zonat e mbrojtura, duke e cilësuar këtë veprim si “një krim të rëndë mjedisor”. Ai tha se Partia Demokratike e ka kundërshtuar këtë ndryshim që në momentin e miratimit dhe se Komisioni Europian ka kërkuar heqjen e amendamenteve të kontestuara.

Berisha ngriti shqetësimin edhe për konfliktet gjyqësore që, sipas tij, ekzistojnë mbi pronat në zonë, duke theksuar se ligji ndalon dhënien e lejeve të ndërtimit në raste të tilla deri në zgjidhjen përfundimtare të mosmarrëveshjeve.

Në deklaratën e tij, ai akuzoi qeverinë se ka anashkaluar komunitetin lokal dhe nuk ka kryer vlerësimet e detyrueshme mjedisore para miratimit të projektit.

Duke komentuar deklaratat e kryeministrit Rama për protestën e opozitës, Berisha hodhi poshtë pretendimet se rrjetet sociale apo algoritmet janë shkaku i pakënaqësisë qytetare.

“Nuk e kanë fajin as algoritmet, as influencerët dhe as interneti. Fajin e ka Edi Rama, i cili e konsideron Shqipërinë si çifligun e tij dhe merr vendime sipas interesave personale”, deklaroi Berisha.

Të fundit