Flash News

Meksika mund Korenë e Jugut, kalon në fazën eliminatore të Kupës së Botës

I morën pasurinë një biznesmeni, lihen në burg tre ish-funksionarë në Elbasan

Pushon së funksionuari Bordi i Transparencës

Me kushte atmosferike të qëndrueshme, njihuni me parashikimin e motit për sot

Rama në seancë plenare, protestuesit marshojnë drejt Kuvendit

E-TJERA

I morën pasurinë një biznesmeni, lihen në burg tre ish-funksionarë në Elbasan

Politiko 19 Qershor 2026, 10:36
I morën pasurinë një biznesmeni, lihen në burg tre

 

Gjykata e Shkallës së Parë e Juridiksionit të Përgjithshëm në Elbasan ka vendosur masa sigurie ndaj tre ish-funksionarëve publikë, të cilët po hetohen për një rast të dyshuar të përfitimit të pasurisë përmes presionit, kanosjes dhe dhunës.

Të dyshuarit janë identifikuar me inicialet G.A., K.H. dhe D.A., të cilët më parë kanë ushtruar detyrat e Drejtorit të Agjencisë së Mbikëqyrjes Policore, Oficerit të Policisë Gjyqësore dhe Drejtorit të Policisë Bashkiake. Ndaj tyre janë zbatuar masat “Detyrim paraqitjeje” dhe “Ndalim i daljes jashtë territorit të Shqipërisë”.

Sipas organit të akuzës, tre ish-zyrtarët dyshohen se kanë vepruar në bashkëpunim për kryerjen e veprës penale të “Shtrëngimit me anë të kanosjes ose dhunës për dhënie pasurie”.

Procedimi penal ka nisur pas materialeve të referuara nga Prokuroria e Posaçme Kundër Korrupsionit dhe Krimit të Organizuar (SPAK), ndërsa hetimet paraprake kanë ngritur dyshime se të përfshirët kanë përdorur autoritetin e funksioneve që mbanin për të ushtruar presion ndaj administratorit të një kompanie private.

Sipas dyshimeve të hetuesve, qëllimi ka qenë përfitimi i padrejtë i pasurisë së biznesmenit, në këmbim të shmangies së kontrolleve dhe verifikimeve ndaj aktivitetit të subjektit që ai administronte.

Prokuroria vlerëson se veprimet e pretenduara kanë cenuar jo vetëm të drejtën e pronës, por edhe lirinë e individit, ndërsa hetimet vazhdojnë për të zbardhur plotësisht rrethanat e çështjes dhe për të dokumentuar çdo element të mundshëm të aktivitetit të paligjshëm.

Të fundit