Flash News

Detaje nga ngjarja në Kamëz, si ndodhi sherri pas kalçetos që përfundoi në vrasje

Të shtënat me armë në Kamëz, humb jetën te Trauma i plagosuri

Plagosje me armë zjarri në Kamëz

BE 'i përvishet' Ramës për Zvërnecin: Mbro natyrën sa nuk e ke shkatërruar

Media franceze: Mashtrimet me kriptomonedha nga Shqipëria po minojnë besimin te investimet

E-TJERA

"Në listat e PS ka gjak të ri", kandidatet e PS dhe PD debat në studio: Çdo orë nga Shqipëria largohen 9 persona

Politiko 31 Mars 2025, 22:07

"Në listat e PS ka gjak të ri", kandidatet e PS dhe PD debat

Kandidatja e re e PS, Julinda Dhame dhe ajo e PD Ilda Zhulali kanë treguar planet e tyre për të fituar mandatin si deputete në zgjedhjet e 11 majit.

E ftuar në “Top Story”, Dhame tha se në listat e PS sheh që ka shumë të rinj dhe gjak të ri, ndërsa nga ana tjetër Zhulali i kujtoi eksodin e viteve të fundit dhe shtoi se çdo orë nga Shqipëria largohen 9 persona. 

“Ne jemi fiks e njëjta dhe ndryshimi. Po ta shohësh në listat e PS sheh që ka shumë të rinj dhe gjak të ri. Ne kemi çfarë ofrojmë, përveç se arritjeve tona që janë të padiskutueshme. Ne harrojmë të mirat. Ne kemi shumë për të thënë se çfarë kemi bërë dhe se çfarë kemi për të bërë. Jemi drejtuar te qytetarët dhe jemi drejtuar me program personal. Unë mbroj kauzën e sportit, të rinjve, mjedisit dhe turizmit. Unë e di shumë mirë si bëhet një punë. Si shkon një proces. Nuk premtoj në ajër. Unë kam vite që kam një makinë dhe mundohem ta rregulloj dhe ta mbaj, sepse e ndjej që ajo është e mira ime. Këtu jam për këtë gjë. Për të treguar që jam e qëndrueshme.

Njerëzit në shumicën e rasteve sigurisht që kërkojnë shumë dhe shumë mirë bëjnë. Jemi nga një nevojë individuale në një nevojë kombëtare.

Njerëzit patjetër që pyesin për sportin. Unë do shkoj me këtë qëllim. Apo për të rinjtë, për arsimin profesional”, u shpreh Julinda Dhame.

“Nuk pati asnjë fjali bilanci. Besoj që Shqipëria sot përballet me dy gjëra, nëse pyet çdo shqiptar, çdokush ndihet i pasigurt. Një pasiguri që mbizotëron kudo. Përveç kësaj, fjala e dytë që do ndeshësh, është që kjo qeverisje po tregon shenja babëzie. Ka arritur nivele të tilla që po bëhet dhe e neveritshme. Ky nivel babëzie është i papranueshëm që duhet të rrëzohet me çdo çmim. Këto të dyja bashkë kanë treguar shpopullimin e Shqipërisë. Në 12 vitet e fundit, në çdo orë nga Shqipëria janë larguar 9 persona”, tha Zhulali.

Të fundit