Flash News

I vranë djalin një vit më parë, gjendet e pajetë në banesë 66-vjeçarja

Sëmuret Ilir Beqaj, shtyhet seanca gjyqësore

SPAK pranon vjedhjen e dosjeve të prokurorëve: Tentuan të ndërhyjnë edhe në e-mailin e Dumanit

“Ai ishte i prerë”, nëna e Martin Canit: Ndihma duhet t’i jepej në QSUT

Dosja 5D/ GJKKO merr vendimin për ish-drejtorët e Bashkisë Tiranë

DITARI POLITIK

PD prezanton programin për të rinjtë: Heqja e taksave për studentët dhe paga minimale 200 euro

Politiko 2 Prill 2025, 16:00

PD prezanton programin për të rinjtë: Heqja e taksave për

Anëtari i Kryesisë së Partisë Demokratike, Grigels Muçollari, ka prezantuar disa masa të reja të programit të PD-së, të cilat synojnë përmirësimin e kushteve për të rinjtë në Shqipëri. Sipas tij, ky program ka në qendër lehtësirat për studentët dhe mbështetjen e biznesit për të punësuar të rinjtë.

Një nga pikat kryesore të programit është heqja e taksave për arsimin e lartë, për të lehtësuar barrën financiare të studentëve dhe për t’u mundësuar atyre një fokus më të madh në studime. Po ashtu, PD propozon një minimum jetik prej 200 eurosh në muaj për studentët, duke synuar përmirësimin e kushteve të tyre të jetesës.

Muçollari theksoi gjithashtu nevojën për reduktimin e orëve të punës për studentët, me qëllim që ata të kenë më shumë kohë për të ndjekur studimet e tyre. Sipas tij, Kosova ka ndjekur një politikë të ngjashme me sukses, ndaj edhe Shqipëria duhet të marrë hapa konkretë në këtë drejtim.

Një tjetër masë e rëndësishme e propozuar nga PD është ndërtimi i shkollave në zona të caktuara të Tiranës, si Liqeni i Thatë, Astiri dhe Fresku, ku aktualisht mungojnë institucionet arsimore të përshtatshme. Muçollari bëri të ditur se PD do të nisë prokurimet për këto projekte në momentin që të vijë në pushtet.

Përveç arsimit, PD ka planifikuar edhe një politikë fiskale për të inkurajuar punësimin e të rinjve. Sipas programit, çdo biznes që krijon një vend pune për persona nën 30 vjeç do të përfitojë nga zero taksë mbi të ardhurat. Kjo masë synon të rrisë mundësitë e punësimit për të rinjtë dhe të nxisë zhvillimin ekonomik.

Muçollari u shpreh se këto politika janë një domosdoshmëri për të siguruar një të ardhme më të mirë për të rinjtë dhe për të ndërtuar një sistem arsimor dhe ekonomik më të qëndrueshëm në vend.

Të fundit