Flash News

I vranë djalin një vit më parë, gjendet e pajetë në banesë 66-vjeçarja

Sëmuret Ilir Beqaj, shtyhet seanca gjyqësore

SPAK pranon vjedhjen e dosjeve të prokurorëve: Tentuan të ndërhyjnë edhe në e-mailin e Dumanit

“Ai ishte i prerë”, nëna e Martin Canit: Ndihma duhet t’i jepej në QSUT

Dosja 5D/ GJKKO merr vendimin për ish-drejtorët e Bashkisë Tiranë

E-TJERA

Europol kontrolle në banesën e të riut shqiptar, dyshohet për pornografi me të mitur

Politiko 2 Prill 2025, 17:14

Europol kontrolle në banesën e të riut shqiptar, dyshohet

Një operacion i koordinuar ndërkombëtarisht kundër shfrytëzimit seksual të të miturve në internet ka çuar në realizimin e një kontrolli në banesën e një shtetasi shqiptar, 29 vjeç, i dyshuar për përfshirje në veprimtari kriminale të lidhura me pornografinë me të mitur.

Operacioni i koduar “Stream”, i drejtuar nga Policia Kriminale Shtetërore e Bavarisë dhe mbështetur nga EUROPOL, u realizua me pjesëmarrjen e agjencive ligjzbatuese të 35 shteteve. Policia e Shtetit mori pjesë në hetimet që çuan në zbardhjen e përfshirjes të dyshuar të shtetasit M. Z., banues në Tiranë, në këtë veprimtari të paligjshme.

Pas marrjes së informacionit nga autoritetet gjermane dhe Europol, Drejtoria për Hetimin e Krimeve Kibernetike e Policisë së Shtetit nisi hetimet dhe referoi materialet në Prokurorinë e Tiranës, e cila regjistroi procedim për veprën penale “Pornografia me të mitur”.

Në kuadër të hetimeve, u ekzekutua një urdhër gjykate për kryerjen e kontrolleve në banesën e 29-vjeçarit, ku u sekuestruan 3 celularë dhe 1 laptop. Paisjet e sekuestruara janë dërguar për ekzaminime të mëtejshme nga specialistët e krimeve kibernetike.

Hetimet vijojnë për dokumentimin e plotë të aktivitetit kriminal, dhe autoritetet janë angazhuar për të zbuluar gjithë lidhjet dhe fakte të tjera që lidhen me këtë veprimtari të paligjshme.

Të fundit