Flash News

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Plas sherri brenda Rilindjes/ Rama urdhëron deputetët dhe partinë: Bëni kujdes, mos u bëni lajm

Si e bindi Rama Perëndimin se fati i Shqipërisë lidhet me emrin e tij

Ditari i Maxhorancës

Rama nuk i ndahet influencerëve: Punojnë në Instagram dhe flasin për shpenzime 20 mijë euro në muaj

Politiko 9 Qershor 2026, 12:49

Rama nuk i ndahet influencerëve: Punojnë në Instagram dhe flasin

Kryeministri Edi Rama ka sulmuar sërish influencerët dhe personazhet e njohur në rrjetet sociale që kanë shprehur mbështetje për protestat qytetare të ditëve të fundit.

Gjatë fjalës së mbajtur në Konferencën e 3-të Kombëtare të Arsimit dhe Formimit Profesional, Rama u shpreh se disa figura publike në internet, duke thënë se ata flasin për një jetë modeste, ndërkohë që deklarojnë shpenzime mujore që arrijnë deri në 20 mijë euro.

“Nuk ka një vend në bregdetin shqiptar ku paga të jetë me e ulët se në Kroaci, nuk ka! Cili është problemi? Problemi është që ata që nxisin racizëm ndaj punonjësve të huaj dhe ata që kujtojnë se punonjësit e huaj vijnë nga Filipinet si skllevër, ata nuk duan të punojnë dhe të marrin një pagë si në Greqi dhe Kroaci. Ose nuk janë në nevojë për një punë, përkundrazi punojnë në Instagram dhe japin intervista sesi jeta e tyre modeste kushton 20 mijë euro në muaj. Çështja është shumë e thjeshtë.

Sa me lartë të jetë cilësia e sistemit të turizmit, aq më të larta do jenë pagat, sa më e ulët të jetë cilësia sistemit të turizmit, aq më të ulëta do jenë pagat. Sa më i lartë të jetë konsumi i atyre që vijnë për të shpenzuar në atë sistem aq më të larta do jenë të ardhurat. Zvicra që është një vend turistik gjithashtu është një vend shumë i shtrenjtë, por ka paga shumë të larta. Ka paga shumë të larta sepse ka mundësinë që të jetë e shtrenjtë sepse ka cilësi shumë të lartë”, tha Rama.

Të fundit