Flash News

Ditari i Opozitës

Meta: Arti shqiptar në zi për humbjen e Margarita Xhepës

Meta: Arti shqiptar në zi për humbjen e Margarita Xhepës

Presidenti i Partisë së Lirisë, Ilir Meta, ka shprehur ngushëllime për ndarjen nga jeta të aktores së madhe Margarita Xhepa.

Në një postim në Facebook, ai e cilësoi atë si një yll të papërsëritshëm të skenës dhe kinematografisë shqiptare.

Ai i shprehu ngushëllimet familjes Xhepa dhe gjithë komunitetit artistik. “I paharruar kujtimi i saj! Të prehet në paqen e merituar,” përfundoi Meta.

Postimi i plotë:

Me pikëllim të thellë mora lajmin e trishtë për ndarjen nga jeta të yllit të papërsëritshëm të skenës dhe kinematografisë shqiptare, Margarita Xhepa.

Një artiste e jashtëzakonshme, e cila mjeshtërisht na la trashëgim shumë vlera të mëdha unike artistike që nga Shekspiri i madh e deri te dramaturgjia e spikatur shqiptare duke skalitur karaktere e duke i ndërtuar aq bukur, me të cilat arti ynë skenik dhe kinematografia jonë është përfaqësuar denjësisht edhe ndërkombëtarisht.

Gjithmonë e dashur dhe e respektuar, Margarita Xhepa do të kujtohet përherë me mirënjohje për kontributin e vyer për kulturën dhe identitetin tonë kombëtar, e cila edhe si zonjë dhe nënë e nderuar, arriti të jepte mesazhe të përjetshme frymëzuese, njerëzore dhe sociale, përtej fasadave të rreme ideologjike, duke e vënë artin në shërbim të kauzave madhore sociale e kombëtare.

Arti shqiptar është sot në zi për këtë humbje kaq të madhe dhe të pazëvendësueshme.

Ngushëllimet më të sinqerta për familjen e dashur dhe të madhe Xhepa, që aq shumë i ka dhënë artit shqiptar, si edhe për të gjithë komunitetin e artistëve.

I paharruar kujtimi i Saj! Të prehet në paqen e merituar!

Të fundit