Skandaloze/ Faqja zyrtare e Kuvendit bën thirrje të votohet Partia Socialiste

Një skandal i paprecedentë ka shpërthyer sot, pasi faqja zyrtare e Kuvendit të Shqipërisë ka bërë thirrje për të votuar Partinë Socialiste.

 Ky veprim është një ndërhyrje flagrante në procesin zgjedhor dhe një shembull tjetër i kapjes së institucioneve shtetërore nga partia në pushtet.

Anëtari i Partisë Demokratike, Belind Këlliçi ka ndarë në FB, postin e hedhur nga faqa e Kuvendit, të cilët e kanë fshirë disa minuta më vonë.

Këlliçi e ka dënuar ashpër këtë veprim, duke e cilësuar atë si një provë të qartë se institucionet shtetërore nuk funksionojnë më si të pavarura, por si mjete propagandistike në duart e qeverisë.

 “Një tjetër konfirmim se për ta, Republika ka rënë dhe institucionet nuk ekzistojnë. Përdorimi i institucioneve më të larta shtetërore si pronë private është i papranueshëm dhe i rrezikshëm për demokracinë,” thuhet në deklaratën e tij.

Opozita ka akuzuar drejtpërdrejt kryeparlamentaren Elisa Spiropali si përgjegjëse për këtë akt të papranueshëm. Sipas Këllicit , ajo dhe drejtues të tjerë të Partisë Socialiste kanë shndërruar institucionet publike në mjete të propagandës partiake.

Postimi i plotë

SKANDALOZE dhe KRIMINALE!!!

Faqja zyrtare e Kuvendit të Shqipërisë, bën thirrje të votohet Partia Socialiste.

Një tjetër provë e paturpësisë, ku Kuvendi në mënyrë skandaloze njehsohet me partinë.

Një tjetër konfirmim se për ta, Republika ka rënë dhe institucionet nuk ekzistojnë.

Partia Demokratike i kundërshton me forcë këto skandale institucionale dhe përdorime të institucioneve më të larta shtetërore si pronë private.

Elisa Spiropali është përgjegjëse e drejtpërdrejtë e këtij akti skandaloz!!!

Nëse pushtetarët e përkohshëm e mendojnë Kuvendin si asamble patronazhistësh dhe petalesh, i kanë bërë hesapet pa hanxhinë.

Ndërkohë TASK FORCA e SPAK për krimet elektorale, ka humbur pa nam e nishan!

Turp!