Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Vazhdon gjykimi për vrasjen në ‘Cobra City’, dëshmitari jep versionin e ngjarjes

Politiko 2 Prill 2025, 18:58

Vazhdon gjykimi për vrasjen në ‘Cobra City’,

Në Gjykatën e Prishtinës ka vazhduar sot më 02.04.2025 gjykimi ndaj të akuzuarve në lokalin “Cobra City”, në Prizren në 2023-tën. Në këtë seancë ka dhënë versionin e ngjarjes dëshmitari i radhës, Kujtim Gashi. Të akuzuarit në këtë rast janë: Dibran Hoxha, i njohur si “Kobra”, Roland Susuri, Arben Vezaj, Burim Mazreku dhe Jesmir Badallaj, të cilët janë paraqitur sot në Gjykatën e Prishtinës, më 02.04.2025.

Ndaj Dibran Hoxhës rëndon akuza për vrasjen e rëndë të viktimës V. C. Kurse, katër të akuzuarit e tjerë akuzohen për “pjesëmarrje në rrahje”, “manipulim me prova” dhe “armëmbajtje pa leje”. Dëshmitari Kujtim Gashi  ka dhënë versionin e tij lidhur me natën kritike.

Në natën kritike ai tha se kishte qenë në lokalin “Cobra City” dhe se kishte qenë gjatë tërë kohës në parking, dhe se në punë kishte qenë Arben Vezaj, Jesmir Badallaj, Burim Mazreku dhe Roland Susuri. “Unë kam qenë atë natë në mirëmbajte të gjeneratorit sepse një fazë nuk ka pasur rrymë dhe u dashke çdo 40 minuta ose 1 orë me shku me marrë naftë dhe Dibrani atë natë nuk ka qenë në lokal. Para se me ndodh rasti nuk e kam pa Dibranin atë natë”, tha Kujtim Gashi.

Gjatë dëshmisë së tij Gashi tha se në lokal kishin qenë 3 persona nga Shqipëria dhe në momentin kur kishte ndodhur ngjarja ai tha se kishte qenë në parking dhe pastaj pasi që kishte ndodhur ngjarja kishte dëgjuar se kjo kishte ardhur për shkak të pagesës. “Brenda janë përla amo unë nuk kom pa kush dhe për çfarë janë përla”, tha Gashi.

Tutje gjatë dëshmisë tha se pasi që kishin debatuar personat e Shqipërisë jashtë ata ishin mbështetur te makina e tyre dhe kishin pirë cigare. ”Në atë kohë që kanë qenë 3 persona nga Shqipëria jashtë, çfarë gjendje kanë qenë?”, ishte njëra nga pyetjet e prokurores Merita Bina- Rugova drejtuar këtij dëshmitari. “Të dehur. Agresivë. Sa kanë qenë brenda kanë bo zhurmë por kur kanë dal jashtë e kanë dhezë një cigare dhe jon mbështet jashtë”, tha Gashi.

Dëshmitari Gashi tha se Dibranin e kishte parë pasi që kishte ndodhur ngjarja së bashku me policinë. “Dibrani ka qenë i qetë”, tha Gashi. Po ashtu Gashi tha së atë mbrëmje kishte dëgjuar zhurma por jo krisma të armëve dhe për sa kohë që kishte punuar në lokalin e Dibran Hoxhës ai atij nuk i kishte parë asnjëherë armë.

“Sa kam punu unë te Dibrani s`kam pa kurrë, ai nuk man revole”, tha Gashi. Kjo çështje penale është duke u trajtuar në Departamentin Special të Gjykatës së Prishtinës në përbërje të trupit gjykues Kujtim Krasniqi (kryetar i trupit gjykues) dhe Ngadhnjim Arrni dhe Vesel Ismaili anëtarë. Ndërsa aktakuza është duke u përfaqësuar nga prokurorja speciale Merita Bina- Rugova.

Dibran Hoxha po akuzohet për vrasjen e rëndë të viktimës V. C., më 03.01.2023, në afërsi të lokalit të tij “Cobra City”, në Prizren. Sipas Aktakuzës, vrasja ka ndodhur për motive të ulëta të demonstrimit të forcës së paskrupullt, për të gjithë ata që e kundërshtojnë atë.

Dosja thotë se deri te vrasja çoi një faturë e lartë në lokal, e cila rezultoi me rrahje mes punëtorëve të lokalit dhe viktimës e të dëmtuarve, Rutgen Tsyatkova dhe Arben Basha. Këta të fundit – sipas Dosjes – kanë hyrë në veturë për t’u larguar, por në atë kohë arrin Dibran Hoxha – Kobra, i cili ishte njoftuar për ngjarjen.

Kështu, në Dosje thuhet se vetura me viktimën ka qenë duke u nisur dhe në atë moment. Dibran Hoxha e ka hapur derën e shoferit, ku me pistoletë e ka goditur të dëmtuarin Rutgen Tsyatkova. Më pas, Dosja thotë se i akuzuari Hoxhaj ka shtënë edhe katër herë, me ç’rast ka goditur viktimën V. C., i cili ka qenë ulur në pjesën e pasme të makinës dhe i cili rrugës për në Spital kishte ndërruar jetë.

Për këtë, Prokuroria e ngarkon me veprat penale: “vrasje e rëndë” dhe “armëmbajtje pa leje”. Roland Susuri dhe Burim Mazreku akuzohen për “manipulim me prova”. Po ashtu, Roland Susuri, Jetmir Badallaj dhe Arben Vezaj akuzohen për “pjesëmarrje në rrahje”. Ndërsa, Roland Susuri dhe Jetmir Badallaj po akuzohen edhe për “armëmbajtje pa leje”./Kallxo.com/

Të fundit