Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Merr flakë makina pranë stacionit të trenit në Durrës

E akuzuar për përndjekje, arrestohet ish-drejtoresha e spitalit të Dibrës

Pse iu ka mërzitur kaq shumë fushata e Berishës?

Fushatë brenda shkollës, Zegjineja e Roskovecit kallëzohet në KQZ

E-TJERA

Vrasja e 22-vjeçares shqiptare në Romë, babai i viktimës: Takova të dashurin, më përqafoi!

Politiko 2 Prill 2025, 20:18

Vrasja e 22-vjeçares shqiptare në Romë, babai i viktimës:

Trupi i 22-vjeçares shqiptare, Ilaria Sula, studente në Itali, e cila ishte raportuar e zhdukur që nga 25 marsi, është gjetur sot në një valixhe të hedhur në një luginë. Ngjarja e rëndë ka tronditur familjen dhe shoqërinë, ndërsa autori i dyshuar kryesor i vrasjes është i dashuri i saj filipinez, Mark Samson.

Sipas hetimeve, vrasja e Ilaria Sula dyshohet të ketë ndodhur në banesën e Mark Samson, në prani të prindërve të tij. Babai i të ndjerës, Flamur Sula, ka treguar se ata kishin bërë denoncimin për zhdukjen e vajzës më 28 mars, ndërsa të dielën kishte takuar të dashurin e vajzës në komisariat. Ai tha se Mark Samson, duke u shfaqur i shqetësuar për zhdukjen, kishte thënë se i vinte keq për situatën.

Flamur Sula rrëfeu se ishte bërë dyshim nga një mesazh që vajza kishte dërguar pas telefonatës së fundit, ku ajo shkruante se ishte mirë dhe se ishte larguar me një djalë dhe një vajzë, dhe se do të kthehej pas një muaji. Kjo mesazh ngriti dyshime tek familja, pasi Ilaria gjithmonë telefononte në raste të tilla dhe nuk do të kishte shkruar në atë mënyrë.

Ngjarja ka tronditur shumë njerëz, dhe hetimet për zbardhjen e motivit dhe rrethanave të ngjarjes vijojnë. I dashuri i Ilaria Sula, Mark Samson, është shprehur për hetuesit, ndërkohë që autoritetet po e mbajnë atë në mbikëqyrje për të zbardhur ngjarjen e rëndë.

Të fundit