Flash News

U vra nga i dashuri, del autopsia e Ilaria Sulës: Tre plagë të thella në qafë, vdiq nga shoku hemorragjik

3.7 mln euro evazion fiskal me fatura false, vetëdorëzohet në polici pronari i ‘Buzi Store’

Berisha: 'E-albania' si telefon i prishur, do rikthejmë zyrat e informacionit

KPA lë në fuqi shkarkimin e prokurores Elveta Stafa Mura

AKU kontrollon subjektet private në Vlorë për mishin e pulës me Salmonelë

Ditari i Opozitës

Në 12 vite Rilindja nuk rilindi asnjë rrugë në Lezhë, por vetëm vendosi dy trarë

Politiko 3 Prill 2025, 12:02

Në 12 vite Rilindja nuk rilindi asnjë rrugë në Lezhë,

Nga Gjin Gjioni

Në 12 vite Rilindja nuk rilindi asnjë rrugë në Lezhë, por vetëm vendosi dy trarë, një për ata që vijnë nga Tirana, një për ata që vijnë nga Kosova!

Në 12 vite fasadat e pallateve që po mbeten pa njerëz janë i vetmi investim i qeverisë në Lezhë, investim kosto të fryra, i denjë për t’u cilësuar krim intelektual, që do duhet të jetë në lupën e SPAK.

Në 12 vite në Qarkun Lezhë nuk është investuar në asnjë rrugë nacionale, duke bërë që ky qark me potenciale të jashtëzakonshme për zhvillimin e turizmit, të jetë i diskriminuar në raport me Durrësin, Golemin, Vlorën, apo Sarandën, që janë dhe zona që kryefjalë të ekonomisë kanë turizmin.

Rama e premtoi Lezhën si Spanjën , por aksin Shëngjin-Lezhë që mban në këmbë ekonomikisht Qarkun tonë e ka lënë si një rrugë fshati të humbur, duke bërë që turistët të humbasin orë të tëra në trafik, teksa pamjet e këtij trafiku në mediet e Tiranës dhe Prishtinës janë reklama më e keqe që i bëhet Lezhës turistike.

Edhe pse nuk solli rrugë u kujdes që Lezhës të sillte trarë, një në aksin Thumanë -Kashar, ku çdo qytetar i Lezhës që shkon në Kryeqytet apo çdo kush që vjen nga pjesa e tjetër e vendit drejt Lezhës të paguajë haraç.
Tjetrin e vuri në Kukës, pasi e pa se vëllezërit tanë të Kosovës, pasi u ndërtua Rruga e Kombit nga qeveria Berisha, vinin në Lezhë si të ishte Shëngjini lagje e Prishtinës.

Në vetëm 8 vite qeveria e PD, ndërtoi rrugën e kombit që i dha hov turizmit në Lezhë e mbarë Shqipërinë si kurrë më parë, rikonstruktoi aksin e vjetër Lezhë -Vau i Dejës, rikonstruktoi rrugën Lezhë-Shëngjin Kune, rikonstruktoi aksin Milot –Laç- Mamurras- Fushë Krujë, ndërtoi rrugën Rrëshen -Burrel, segmente këto të gjitha jetike për banorët e Qarkut Lezhë, ku një pjesë e madhe e popullsisë jeton në zona rurale.
Përballë këtyre fakteve, Edi Rama në 12 vite nuk zgjeroi dot segmentin Milot- Balldre, as Rrëshen- Milot, as nuk zgjeroi rrugën e Shëngjinit, për të mos folur për rrugët e brendshme në zonat rurale, të cilat ai artisti që flinte poshtë urave në Paris i sheh me përçmim.

Rrugët do jenë prioriteti kryesor i qeverisës së djathtë, pasi Shqipëria është një vend i vogël dhe qendrat e qyteteve nëse ka rrugë me standarde janë të aksesueshme.

Rruga i jep hov blegtorisë, bujqësisë, nuk privon fëmijët nga arsimimi, e as të moshuarit nga spitali.#GG#.

Të fundit