Flash News

"Po lulëzon tregtia Shqipëri-Rusi?"/ Gazetari: Anije me mallra ruse zbarkojnë në portet shqiptare

I rrëmbyeri në Lezhë me precedentë penalë! Kërcënoi një biznesmen për 25 mijë euro

Merret peng një person në autostradën Lezhë-Tiranë, policia identifikon dy autorët

I vranë djalin një vit më parë, gjendet e pajetë në banesë 66-vjeçarja

Sëmuret Ilir Beqaj, shtyhet seanca gjyqësore

E-TJERA

Kush i vodhi dosjet e SPAK? Lala: Hakerimi vinte nga një zyrë në kullat kryesore të Tiranës

Politiko 2 Prill 2025, 22:57

Kush i vodhi dosjet e SPAK? Lala: Hakerimi vinte nga një zyrë në

Gazetarja Klodiana Lala zbardhi detaje të reja lidhur me publikimit të disa dosjeve të SPAK.

E ftuar në studion e “Opinion”, ajo tha se ka dyshime të forta për hakerim, duke shtuar se është ndërhyrë në kompjuterët e 3 prokurorëve.

“Është ndërhyrë në kompjuterin e prokurores Enkeleda Millonai, e cila kohët e fundit për arsye shëndetësore ka pasur momente që nuk është paraqitur në punë, në këtë moment është dhënë sinjali. Ka dyshime të forta për hakerim. Është ndërhyrë! Është parë që është ndërhyrë në 3 kompjutera, të Millonait, prokurores Elida Kaçkini dhe prokurorit Behar Dibra.”

Sipas Lalës, është tentuar të hakerohej edhe kompjuteri i drejtuesit të Strukturës së Posaçme AntiKorrupsion Altin Dumani.

“Është tentuar të hakerohet kompjuteri i kreut të Prokurorisë së Posaçme Altin Dumani. Nuk është hakeruar dot, është vendosur të fiket gjithë sistemi, që të mos merreshin të dhëna të tjera.“

Gazetarja shtoi se përmes gjurmimit të celularëve është zbuluar se në kryeqytet ekziston një zyrë hakerimi.

“Prokurorët përmes gjurmimit të celularëve kanë arrestuar në Kamzë Zambak Gjonin dhe më pas Arnold Rrokajn. Përmes gjurmimi të celularëve, ata kanë arritur të kuptojnë që hakerimi vinte nga një zyrë që ishtë në një nga kullat kryesore të Tiranës.

Zyrë hakerimi! Ka dyshime që ka pasur edhe bashkëpunëtorë nga brenda. Kanë arritur përmes gjurmimit të celularëve, se kanë ndodhur brenda 24 orëve, kanë arritur të arrestojnë 2 personat. Janë ndaluar në flagrancë, u janë kapur celularët dhe u janë gjetur pajisje që përdoren për përgjim e hakerim. Dy janë sfidat kryesore, së pari kanë dalë të dhënat e një politikani, biznesmeni dhe një gruaje në administratë”, tha ajo.


 

Të fundit