Flash News

Rrëzohet nga ballkoni 4-vjeçarja në Lezhë, dërgohet me urgjencë te Trauma

Tjetër aksident me monopatinë në Tiranë, makina përplas një 17-vjeçar

Po lahej në det, humb jetën pushuesi në Durrës

PD: Qytetarët presin bonusin e qirasë dhe banesat, Bashkia e Tiranës bën tendera për mobilie

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Video/ Nëntë liqenet më të çuditshme në botë

Politiko 4 Shtator 2018, 17:17

Liqenet përveçse janë pasuri ujore për Tokën, njerëzit dhe gjallesat që jetojnë në to, janë edhe pjesë të bukurisë së natyrës që tërheqin mjaft turistë.

Në botë ka 9 liqene të cilat veçohen si liqenet më të çuditshme dhe njëkohësisht më të bukura në botë.

Liqeni Baikal

Liqeni Baikal, ndodhet në Siberi dhe njihet si liqeni më i vjetër në botë me ujërat e ëmbla, me më shumë se 25 milionë vjet që nga krijimi. Ai ka një thellësi maksimale prej 1642 metrash, është edhe liqeni më i thellë në botë. Liqeni Baikal formon edhe rezervuarin më të madh të ujit të ëmbël të rrjedhshëm në botë.

Liqeni i Kandilave

Liqeni i Kandilave ndodhet në ishullin Palau në oqeanin Paqësor dhe është vendi i vetëm në mbarë botën, ku mund të zhytesh në mesin e molusqeve pa rrezikuar jetën. Ditët e sotme ne këtë liqen mund të numërohen rreth 8 milionë gjallesa të tilla, ku njerëzit mund të zhyten të lirë pa pasur asnjë lloj ngacmimi.

Liqeni Kaindy

Liqeni Kaindy, ndodhet në malin Tiran Shan, në Kazakistan dhe ka një bukuri tepër të veçantë. Ai është formuar nga fundosje tektonike dhe brenda tij rriten trungje pemësh në një thellësi prej rreth 30 metrash. Uji i këtij liqeni është akull i ftohtë edhe gjatë ditëve më të nxehta të verës.

Liqeni Kelimutu

Liqeni Kelimutu përbëhet nga tre pellgje të mëdha dhe ndodhet në majën e malit të Kelimutu në Indonezi. E veçanta e këtyre liqeneve është se ato ndryshojnë ngjyrën gjatë kalimit të kohës dhe madje uji mund të marrë edhe ngjyrë të zezë. Legjenda për këto liqene thotë se ujrat e tij janë një vendpushim për shpirtrat dhe kjo është arsyeja përse ai ndonjeherë merr ngjyrë të errët.

Laguna Kolorada

Laguna Kolorada ndodhet në Bolivi dhe ka një pamje shumë impresionuese. Uji i kësaj lagune është komplet i kuq si pasoje e algave që janë nëmarrëdhënie simbiotike me kristalet e kripës. Kjo lagunë gjithashtu është habitati i shpendit të Flamingos, i cili është një ndër specie më të rralla në planet.

Liqeni Berryessa

Liqeni Berryesa ose siç njihet ndryshe “Vrima e Lavdisë”, ndodhet në Kaliforni dhe është një ndër pasuritë natyrore më të çuditshme në Tokë. Dukuria e vrimës së madhe në mes të liqenit, e cila e thith ujin dhe e kthen atë sërish në sipërfaqe është një fenomen që tërheq shumë turistë nga e gjithë bota.

Liqeni me pulla

Liqeni me pulla ndodhet në Kanada dhe duket vërtet si një sipërfaqe ku janë vendosur pellgje të vogla në formë rrathësh. Në këto pellgje ovale ka përqendrim të lartë të mineraleve dhe për këtë arsye uji duket me reflekse ngjyrash.

Liqeni Rozë

Liqeni Rozë ndodhet në Australi dhe është një ndër pasuritë ujore më të veçanta. Uji i tij i kripur ka një ngjyrë të theksuar rozë të çelur. Ashtu si Laguna e Koloradas, edhe pigmenti i këtij liqeni vjen si pasojë e përqendrimit të algave të cilat dashurojnë kripën. Në këtë liqen arrijnë të jetojnë shumë pak gjallesa si pasojë e përqendrimit të lartë të mineraleve.

https://youtu.be/qm_kqUAaPFA