Ja se sa herë duhet të bëni dush përgjatë gjithë javës, sipas dermatologes

Pastërtia është çështje personale dhe frekuenca me të cilën dikush e praktikon atë në përditshmëri varet nga vetë individi. Për disa, është një zakon i përditshëm menjëherë pas zgjimit, ndërsa për të tjerë nuk është aq i rëndësishëm.

Shumica prej nesh mendojmë se e njohim mirë trupin tonë dhe se dimë kur ka nevojë për pastrim.

Megjithatë, diskutimet e kohëve të fundit në internet kanë vënë në pikëpyetje disa bindje të zakonshme. Gjatë viteve të fundit, personazhe të njohur dhe përdorues të rrjeteve sociale kanë nxitur debat publik mbi sa shpesh duhet të lahemi, dhe si saktësisht e bëjmë këtë.

Sipas ekspertëve, nuk ka një rregull shkencor të saktë që përcakton se kur duhet të bëjmë dush, kjo varet kryesisht nga preferenca personale.

“Dushi është më shumë një çështje stili jetese sesa një domosdoshmëri mjekësore,” thotë për Shop TODAY Dr. Angela Lamb, drejtoreshë e Praktikës së Fakultetit të Dermatologjisë në Westside Mount Sinai.

Dr. Mary Stevenson, kirurge dermatologjike dhe profesoreshë e asociuar në NYU Langone Health, shton se frekuenca e larjes varet nga faktorë të ndryshëm si lloji i lëkurës, mosha dhe niveli i aktivitetit fizik.

“Në përgjithësi,” thotë ajo, “duhet të bëni dush ose të pastroni lëkurën çdo dy deri në tre ditë.” Por nëse ushtroheni apo përfshiheni në aktivitete që shkaktojnë djersitje të fortë, dushi më i shpeshtë bëhet i nevojshëm.

Çfarë ndodh nëse nuk laheni mjaftueshëm? Problemi kryesor është era e pakëndshme e trupit.

Sipas Dr. Lamb, disa njerëz natyrshëm nuk prodhojnë aromë trupore të fortë, ndaj mund të kalojnë më shumë kohë pa bërë dush pa u vënë re.

Të tjerë mund të mos ndiejnë nevojën të lahen menjëherë edhe kur shfaqet ndonjë aromë. “Në fund të fundit, sa shpesh bëjmë dush është e lidhur ngushtë me kulturën dhe normat shoqërore”, thotë ajo.

Nga ana tjetër, larja shumë e shpeshtë mund të shkaktojë probleme.

Dushi i tepërt mund të thahet lëkurën dhe të dëmtojë barrierën e saj natyrale.

“Nëse laheni shumë shpesh, rrezikoni të dobësoni mikrobet e mira që e mbrojnë lëkurën, gjë që mund t’ju bëjë më të ndjeshëm ndaj infeksioneve,” paralajmëron Dr. Lamb.

Sipas saj, larja disa herë në ditë nuk është një ide e mire/ newsbomb.gr