Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Bezos dhe Sánchez organizojnë dasmën e shekullit në zemër të Venecias, yjet që marrin pjesë

Politiko 27 Qershor 2025, 17:55

Bezos dhe Sánchez organizojnë dasmën e shekullit në

Lauren Sanchez dhe Jeff Bezos do të festojnë martesën e tyre të premten në San Giorgio Maggiore, dhe pak përpara ceremonisë së pritur, nusja u pa teksa nisej me një varkë për në ishullin venecian. E veshur me një shami koke në stilin e viteve 1960 dhe syze dielli, Sanchez u dërgoi një puthje fotografëve para nisjes. Bezos pritet t'i bashkohet asaj më vonë.

Bezos dhe Sánchez organizojnë dasmën e shekullit në

Edhe pse sonte është planifikuar të jetë eventi kryesor i ekstravagancës, mbetet e paqartë se kur çifti do të martohet ligjërisht. Një zëdhënës i zyrës së kryetarit të bashkisë në Venecia i tha CNN të enjten se qyteti nuk ka marrë një kërkesë zyrtare nga çifti, që do të thotë se eventet këtë javë do të jenë ceremoniale dhe jo ligjërisht të detyrueshme.

Sakaq, të enjten në mbrëmje, personazhe të famshëm u mblodhën për një aktivitet hapës në kishën mesjetare Madonna dell’Orto. Një urdhër trafiku i lëshuar nga Bashkia e Venedikut ndaloi këmbësorët rreth katedrales së shekullit të 14-të, e cila strehon vepra arti nga piktori venecian Tintoretto, nga fundi i pasdites deri në mesnatë.

Në përputhje me detajet e ruajtura me kujdes të aktivitetit, të ftuarit duket se iu përmbajtën një bllokimi të mediave sociale, me pak aktivitet në rrjetet e tyre, përveç disa pamjeve të vetë qytetit dhe motit të stuhishëm gjatë natës.

Eventi tre-ditor do të zhvillohet deri të shtunën, me rreth 200 të ftuar që do t'i bashkohen themeluesit miliarder të Amazon për të festuar martesën e tij pas një fejese dyvjeçare me Lauren Sanchez.

Eventi vlerësohet të kushtojë rreth 40-48 milionë euro (46.5-55.6 milionë dollarë), sipas Reuters. Këshilltari i turizmit në Venecia, Simone Venturini, i tha CNN se qyteti pritej të fitonte rreth "20-30 milionë euro (23.4-35.1 milionë dollarë) për festat, organizimet dhe eventet" gjatë javës.

Bezos dhe Sánchez organizojnë dasmën e shekullit në

Një mori personazhesh të famshëm u fotografuan në qytet të enjten. Kim Kardashian mbërriti me motrën e saj Khloe dhe nënën Kris Jenner; ato u panë më vonë gjatë ditës duke biseduar me aktorin Orlando Bloom.

Oprah Winfrey dhe ish-lojtari i NFL-së, Tom Brady, ishin gjithashtu midis VIP-ave që hipnin në taksitë ujore në aeroport, ndërsa Bill Gates dhe Kendall dhe Kylie Jenner u panë gjithashtu.

Ivanka Trump, Jared Kusher dhe fëmijët e tyre kanë kaluar disa ditë në qytet, me Trump që ka postuar në Instagram, "Gati për të festuar historinë e dashurisë së miqve tanë", së bashku me një foto të suitës së saj të hotelit që mban emrin "Dolce Vita".