Flash News

Përplasen dy makina në Pogradec, plagosen 3 persona

Përplasen 6 makina në Laprakë, përfundojnë në spital dy policë dhe një taksist

Kishte ardhur me pushime në Lezhë, ndërron jetë i riu nga Kosova

Vendi nuk gjen qetësi nga zjarret, përfshihet nga flakët mali në Maliq

Shkrumbohet nga flakët një banesë në Shëngjin

E-TJERA

EMRI/ Shqiptari i kokainës me nëndetëse rrezikon burg të përjetshëm në SHBA

Politiko 28 Qershor 2025, 19:34

EMRI/ Shqiptari i kokainës me nëndetëse rrezikon burg të

Një tjetër shqiptar i cili dyshohet si udhëheqës i një rrjeti ndërkombëtar të trafikut të drogës ka tërhequr vëmendjen e autoriteteve të huaja.

Bëhet fjalë për 43-vjeçarin Ylli Didani, i njohur ndryshe si "shqiptari i kokainës me nëndetëse", pasi në vitin 2022 është zbuluar një dron nënujor i ndërtuar prej tij me qëllim trafikimin e drogës.

Këtë herë Didani është kthyer në vëmendjen e autoriteteve për shkak se ka blerë një parcelë buzë detit në Republikën Domenikane me vlerë tre milionë dollarë, duke përdorur fonde të siguruara nga trafiku i drogës.

Sipas provave të paraqitura nga prokuroria në një gjykatë federale në Shtetet e Bashkuara, zbulojnë se Didani ka transferuar më shumë se 200 mijë dollarë në SHBA përmes sistemit të paligjshëm të njohur si “metoda e tokenit”, si pjesë e procesit për të finalizuar blerjen e tokës në territorin domenikan.

Thuhet se pagesa është lehtësuar nga rrjete të pastrimit të parave të lidhura me krimin e organizuar kinez, të njohur si “kinezët”, të cilët menaxhonin lëvizjen globale të fitimeve nga trafiku i drogës.

Çështja u mbyll së fundmi me një vendim fajësie ndaj Didanit për akuzat e komplotit për shpërndarje të kokainës, shpërndarjes së drogës në anije nën juridiksionin e SHBA-së, dhe komplotit për pastrim parash.

Didani mund të përballet me një dënim maksimal me burgim të përjetshëm dhe vazhdon të mbahet në paraburgim federal në pritje të shpalljes së dënimit. 

Të fundit