Flash News

Tjetër aksident me monopatinë në Tiranë, makina përplas një 17-vjeçar

Po lahej në det, humb jetën pushuesi në Durrës

PD: Qytetarët presin bonusin e qirasë dhe banesat, Bashkia e Tiranës bën tendera për mobilie

Posta e mëngjesit/ Me 2 rreshta: Çfarë pati rëndësi dje në Shqipëri

Përplasen dy makina në Pogradec, plagosen 3 persona

KRYESORE

Alarm nga Filipinet: Shqipëria, destinacion në rritje për trafikimin e punëtorëve

Politiko 29 Qershor 2025, 11:50

Alarm nga Filipinet: Shqipëria, destinacion në rritje për

Trafikimi i punëtorëve filipinas drejt Shqipërisë po njeh një rritje shqetësuese, paralajmëron Byroja e Imigracionit në Filipine.

Vetëm më 28 qershor 2024, tre qytetare filipinase u ndaluan në Aeroportin Ndërkombëtar "Ninoy Aquino" (NAIA), pasi tentuan të udhëtonin drejt Malajzisë – një udhëtim që kishte si destinacion final Shqipërinë.

Fillimisht ato pretenduan se ishin turiste, por më vonë zbuluan se kishin rënë pre e një skeme trafikimi dhe u ishte premtuar punë në Shqipëri si ndihmëse shtëpie, punëtore fabrike dhe kameriere.

Sipas autoriteteve, secila prej tyre kishte paguar deri në 100 mijë lekë filipinase rekrutuesve të dyshimtë, të cilët kishin kontaktuar përmes Facebook. Pasi paratë u transferuan, rekrutuesit u zhdukën, duke i lënë viktimat pa dokumentacion dhe pa asnjë udhëzim për hapat e mëtejshëm.

“Po përballemi me një rritje të dukshme të tentativave për trafikim drejt Shqipërisë. Këto nuk janë raste të izoluara,” tha Komisioneri i Imigracionit, Joel Anthony M. Viado.

Autoritetet kanë njoftuar Këshillin Ndër-Agjenci Kundër Trafikimit (IACAT) për të hetuar më thellë rrjetet kriminale që fshihen pas këtyre rasteve dhe për të ndaluar fluksin e trafikimit të qenieve njerëzore drejt Evropës, përfshirë Shqipërinë.

Të fundit