Flash News

Vrasja e efektivit në Maliq, flet për herë të parë nëna e Violand Braçellarit: Polici qëlloi i pari, nuk u paralajmërua

Kosova voton sot për Kuvendin e ri, mbi 2 milionë qytetarë me të drejtë vote

Posta e mëngjesit/ Me 2 rreshta: Çfarë pati rëndësi dje në Shqipëri

Rama sulmon mediat ndërkombëtare: Pse e bëni një protestë me 2 mijë vetë kaq dramatike

Shpërthen protestuesi që vuan nga kanceri: Onkologjiku, Aushvic në mes të Tiranës

E-TJERA

Akuzohen për shit-blerje votash për PS në 11 maj, SPAK dërgon për gjykim 3 persona

Politiko 7 Nëntor 2025, 16:56

Akuzohen për shit-blerje votash për PS në 11 maj, SPAK

Prokuroria e Posaçme kundër Korrupsionit dhe Krimit të Organizuar ka përfunduar hetimet dhe ka dërguar për gjykim tre persona të akuzuar për korrupsion aktiv dhe pasiv në procesin zgjedhor të 11 majit 2025, në Qarkun e Lezhës.

Sipas njoftimit zyrtar, më 7 nëntor 2025, SPAK ka dorëzuar në Gjykatën e Posaçme dosjen penale nr. 55/2025, që lidhet me veprimtari të dyshuara të shit-blerjes së votave në Bashkinë Kurbin, ku personat e përfshirë pretendohet se kanë shpërndarë para në këmbim të votës për një subjekt politik, konkretisht Partinë Socialiste.

Të pandehurit e dërguar për gjykim janë:

Gersi Kaçorri, i akuzuar për veprën penale “Korrupsion aktiv në zgjedhje”, kryer në bashkëpunim (nenet 328 dhe 25 të Kodit Penal);
Besnik Uka, i akuzuar për “Korrupsion pasiv në zgjedhje”, kryer në bashkëpunim (nenet 328/b dhe 25 të Kodit Penal);
Artur Jahja, i akuzuar për “Korrupsion pasiv në zgjedhje”, kryer në bashkëpunim (nenet 328/b dhe 25 të Kodit Penal).
SPAK bën me dije se hetimet janë zhvilluar mbi bazën e materialeve të referuara nga Byroja Kombëtare e Hetimit (BKH), e cila ka përdorur metoda speciale të hetimit, përfshirë përgjime telefonike, vëzhgime të drejtpërdrejta dhe ndjekje operative në terren.

Nga provat e mbledhura, hetuesit kanë arritur në përfundimin se gjatë fushatës elektorale të pandehurit kanë bashkëpunuar me njëri-tjetrin për të ndikuar në vullnetin e zgjedhësve, duke premtuar dhe shpërndarë shuma monetare në favor të Partisë Socialiste.

Sipas SPAK, tre të akuzuarit kanë qenë aktivë në fushatën zgjedhore në zonën e Kurbinit dhe kanë ndërmarrë veprime konkrete për të ndikuar në rezultatin elektoral të subjektit politik në pushtet.

Dosja tashmë i është kaluar Gjykatës së Posaçme kundër Korrupsionit dhe Krimit të Organizuar, e cila pritet të shqyrtojë akuzat dhe të vendosë mbi përgjegjësinë penale të tre të pandehurve në vijim të procesit gjyqësor.

Të fundit