Flash News

Gripi i shpendëve, gati 500 mijë pula të asgjësuara, rritet çmimi i vezëve në treg

Skandali ushqimor me luleshtrydhet nga Greqia, AKU: E gjithë sasia me pesticide u shit në treg

SPAK kundër SPAK, Këlliçi: Prokurorë të kësaj strukture inkurajojnë leçjanin Karlo Bollino, të godasë kolegët e tyre

‘Shënjestroi’ Parlamentin, SHISH-in dhe institucione të tjera, kush është 15-vjeçari që theu sigurinë e faqeve shtetërore

Plas sherri pas përplasjes së makinave, 4 të arrestuar dhe një në kërkim në Durrës

E-TJERA

“Katundar, do e mbys me thonj”/ Kush e tradhtoi Erion Veliajn?

Politiko 4 Prill 2025, 09:39

Zbardhja e përgjimeve që i shërbyen apelit të GJKKO-së për të lënë në burg Erion Veliaj nuk e kanë rëndësinë e tyre as tek sharjet spektalolare që ai bën për ministrin e Drejtësisë Ulsi Manja dhe as tek porositë që ai jep për mediat proqeveritare të cilat i kontrollon për të ushtruar presion mbi SPAK-un. Në mes tyre fshihet një element tejet interesant që ka të bëjë me datën kur do të zhvillohej procesi për masën e arrestit të kryebashkiakut në detyrë.

Po të lexohen me vëmendje bisedat e përgjuara mes tij të vëllait Arbërit dhe bashkëshortes Ajolës, dallohet qartë strategjia që ai ka pasur për datat 11 dhe 12 mars, data kur do zhvillohej procesi i tij. Veliaj shpresonte që duke ushtruar presion ai do të lirohej nga burgu.Erion Veliaj është përgjuar ti ketë thënë në një bisedë të vëllait Arbrit se “duhet mbajt presingu Lal, se dita e martë është e pandryshueshme, kshu që katër ditë kemi’. “three days to freedom”. Po gjatë të njëjtës ditë disa orë më vonë ai flet edhe me guan, Ajola Xoxën. Edhe për të mesazhi që duhet të përcjellë tek media është i njëjtë. “Thuaji ktyre… ta mbajne presionin se këto katër ditë janë vendimtare”. Domethënë o dal këto katër ditë, o rri këtu edhe katër muaj. Kismet pastaj Gjykata e Lartë. Mbas Zgjedhjeve. Kshu që këto katër ditë janë vendimtare”, thuhet në përgjimet e siguruara dhe botuara nga CNA.

Pra boll të lexosh këto telefonata dhe kuptohet qartë se në ditët e para të marsit ish personazhi nr 2 më i fuqishëm në hierarkinë e rilindjes ka pasur shpresë se në apelin e GJKKKO-së ai do të lirohej. Ai nuk e diskuton se kur të vijë koha e Gjykatës së lartë do të jetë më i sigurtë por ky është një proces që do të zgjasë mbi katër muaj.

Po cilët faktorë ia kanë dhënë Erion Veliajt këtë shpresë. Pse ai ëndërronte ta linte qelinë ku i rrezikohej jeta, i burgosur përkrah kriminelëve të tjerë? Vetëm po të kuptohet kush i ka shkelur syrin mund të merret me mend edhe se kush e ka zhgënjyer dhe lënë në baktë atë. Nga përgjimet e dala deri më tani ai targeton vetëm një njeri: ministrin e Drejtësisë Ulsi Manja të cilin e ofendon si “qelbësirë”, “katundar” për të cilin shtton se “nuk ka për t’ia falur kurrë” dhe se “do ta mbysë me thonj”. Po a kishte fuqi Ulusiu i vetëm ti ngjallte shpresat dhe më pas ta zhgënjente Veliajn, apo kjo punë shkon dikund “Ma nalt”?/ Lapsi.al