Flash News

Gripi i shpendëve, gati 500 mijë pula të asgjësuara, rritet çmimi i vezëve në treg

Skandali ushqimor me luleshtrydhet nga Greqia, AKU: E gjithë sasia me pesticide u shit në treg

SPAK kundër SPAK, Këlliçi: Prokurorë të kësaj strukture inkurajojnë leçjanin Karlo Bollino, të godasë kolegët e tyre

‘Shënjestroi’ Parlamentin, SHISH-in dhe institucione të tjera, kush është 15-vjeçari që theu sigurinë e faqeve shtetërore

Plas sherri pas përplasjes së makinave, 4 të arrestuar dhe një në kërkim në Durrës

E-TJERA

Kaja Kallas viziton Shqipërinë për herë të parë si Shefe e Diplomacisë së BE-së

Politiko 4 Prill 2025, 21:54

Kaja Kallas viziton Shqipërinë për herë të parë si

Shefja e diplomacisë së Bashkimit Evropian, komisionerja Kaja Kallas, do të zhvillojë një vizitë zyrtare në Shqipëri më 8 prill, në kuadër të një turi diplomatik në rajonin e Ballkanit Perëndimor.

Gjatë qëndrimit të saj në Tiranë, Kallas do të zhvillojë një sërë takimesh me përfaqësues të lartë të institucioneve shqiptare. Sipas axhendës së publikuar nga Komisioni Evropian, vizita do të nisë me një takim me Presidentin e Republikës, z. Bajram Begaj. Më pas, komisionerja do të zhvillojë takime kokë më kokë edhe me Kryeministrin Edi Rama, Ministrin për Europën dhe Punët e Jashtme, Igli Hasani, si dhe me Ministrin e Mbrojtjes, Pirro Vengu.

Kjo do të jetë vizita e parë zyrtare e Kaja Kallas në Shqipëri që nga marrja e detyrës si Përfaqësuese e Lartë e BE-së për Politikën e Jashtme dhe Sigurinë. Vizita vjen në një moment të rëndësishëm për marrëdhëniet mes Shqipërisë dhe BE-së, në kuadër të procesit të integrimit evropian dhe bashkëpunimit rajonal.

Pas qëndrimit në Tiranë, Kallas pritet të vizitojë edhe dy vende të tjera të rajonit: Malin e Zi dhe Bosnjë e Hercegovinën, duke theksuar angazhimin e BE-së për stabilitetin dhe integrimin evropian të Ballkanit Perëndimor.

Të fundit