Flash News

Gripi i shpendëve, gati 500 mijë pula të asgjësuara, rritet çmimi i vezëve në treg

Skandali ushqimor me luleshtrydhet nga Greqia, AKU: E gjithë sasia me pesticide u shit në treg

SPAK kundër SPAK, Këlliçi: Prokurorë të kësaj strukture inkurajojnë leçjanin Karlo Bollino, të godasë kolegët e tyre

‘Shënjestroi’ Parlamentin, SHISH-in dhe institucione të tjera, kush është 15-vjeçari që theu sigurinë e faqeve shtetërore

Plas sherri pas përplasjes së makinave, 4 të arrestuar dhe një në kërkim në Durrës

E-TJERA

Skandali ushqimor me luleshtrydhet nga Greqia, AKU: E gjithë sasia me pesticide u shit në treg

Politiko 4 Prill 2025, 16:18

Skandali ushqimor me luleshtrydhet nga Greqia, AKU: E gjithë sasia me

Një tjetër alarm për sigurinë ushqimore ka tronditur konsumatorët shqiptarë. Autoriteti Kombëtar i Ushqimit (AKU) ka njoftuar se një sasi luleshtrydhesh të importuara nga Greqia ka rezultuar me përmbajtje pesticidesh jashtë normave të lejuara, por sasia prej 52 kg tashmë është shpërndarë dhe shitur plotësisht në treg.

Sipas njoftimit zyrtar, luleshtrydhet u morën në analizë laboratorike më 17 shkurt, në kuadër të Planit të Monitorimit me Bazë Risku. Pasi rezultatet treguan prani të pesticideve të rrezikshme, AKU nisi menjëherë gjurmimin dhe kërkoi tërheqjen nga tregu. Por, në bazë të faturave të paraqitura nga subjekti importues, rezultoi se të gjitha luleshtrydhet ishin tashmë të shitura.

AKU: Në kuadër të transparencës dhe informimit të publikut, Autoriteti Kombëtar i Ushqimit, bën me dije se për çdo rast të konstatuar (në treg apo në Pikat e Inspektimit Kufitar), të rezultuar jo-konform kërkesave dhe standardeve me legjislacionin në fuqi për produkte të importit, njoftohet Sistemi i Njoftimit të Shpejtë për Ushqimin dhe Ushqimin për Kafshë – RASFF.

Lidhur me rastin e produktit Luleshtrydhe të një sasie prej 52 kg, të importuar nga Shteti i Greqisë, AKU në bazë të Planit të Monitorimit me Bazë Risku zbatoi procedurën e dërgimit në datën 17 shkurt 2025 për analizim laboratorik dhe pas daljes së rezultatit u angazhua nëpërmjet sistemit të gjurmueshmërisë për mbledhjen dhe tërheqjen nga tregu të kësaj sasie luleshtrydhe. Në bazë të faturave të shitjes të paraqitura nga Operatori i Biznesit Ushqimor e gjithë sasia rezultonte e shitur.

Menjëherë pas këtij rasti, Autoriteti Kombëtar i Ushqimit ka bërë vlerësim të riskut për këtë produkt dhe e ka kategorizuar me risk të lartë.

Për këtë, është komunikuar me të gjitha Pikat e Inspektimit Kufitar, për mostrimin e 10 ngarkesave të njëpasnjëshme dhe bllokimin në kufi të çdo ngarkese me luleshtrydhe, deri në daljen e përgjigjes së analizave të çdo mostrimi për produktin që mund të vijojë të importohet nga Greqia.

Synimi i urdhërimit për bllokime të tilla në PIK është që të pritet cdo rezultat analize e mostrimeve në të tilla raste. Në bazë të këtyre rezultateve do të përcaktohet nëse importet do të lejohen për tregtim brenda territorit shqiptar apo do të kthehen në vendin e origjinës.