Laboratori i kokainës në Frakull të Fierit, GJKKO lë në fuqi dënimet për 10 pjestarët e grupit

Gjykata e Posaçme e Apelit, ka lënë në fuqi vendimin e Shkallës së Parë për grupin e dënuar të laboratorit të drogës në Frakull të Fierit, ku u gjet dhe u sekuestrua 485 kilogramë kokainë.

Vendimi i dhënë nga GJKKO në qershor të këtij viti u ankimua nga Enxhi Ferhati, Bledar Matoshi, Nikolin Gjolena, Viktor Çervanaku, Denilson Çervanaku, Zenel Çervanaku, Klajdi Vrioni, Redion Meshi dhe Marildo Rona.

Apeli la në fuqi dënimin me 89 vite burg për 10 pjestarët e grupit të laboratorit të kokainës në Frakull të Fierit. Në dënimet e dhëna u aplikua gjykimi i shkurtuar. Julian Malaj i cili u dënua me 2 vite burg nga Shkalla e Parë u lirua nga qelia për shkak të kohëzgjatjes së qëndrimit në paraburgim.

Kokaina ishte fshehur mes “plehut organik” artificial, e paketuar dhe ngarkuar në një kontenier, që u transportua nga Kolumbia nëpërmjet Portit të Pireut në Greqi, në drejtim të Portit në Bar, në Malin e Zi.

Më pas, në rrugë tokësore ngarkesa u fut në Shqipëri në datën 19.09.2022 dhe pasi u zhdoganua në Tiranë, u transportua në fshatin Frakull e Madhe, në Fier, ku u bë dhe  sekuestrimi i lëndës narkotike nga policia gjyqësore.

Banesa ku u zbulua laboratori i kokainës, ishte në pronësi të ish-kryetarit të komunës së Farkullit, Viktor Çervanakut, i cili do vuajë 10 vite burg nga gjykimi i shkurtar.

Dënimet e lëna në fuqi nga Apeli i GJKKO

Nikolin Gjolena 17 vite burg – 11.4 vite burg me gjykim te shkurtuar

Viktor Cervanaku – 15 vite burg – 10 vite burg me gjykim te shkurtuar

Enxhi Ferhati –  12 vite – 8 vite burg me gjykim te shkurtuar

Klajdi Kodra – 17 vite – 11.4 vite burg me gjykim te shkurtuar

Bledar Matoshi – 12 vite – 8 vite burg me gjykim te shkurtuar

Denilson Çervanaku – 17 vite – 11.4 vite burg me gjykim te shkurtuar

Zenel Çervanaku –  14 vite – 9.4 vite burg me gjykim te shkurtuar

Redion Meshi – 14 vite – 9.4 vite burg me gjykim te shkurtuar

Julian Malaj – 3 vite – 2 vite burg me gjykim te shkurtuar për (moskallëzim krimi ) lirohet menjëherë

Marildo Rona – 12 vite – 8 vite burg me gjykim te shkurtuar