Flash News

Tjetërsimi i pronave, lëshohen 12 masa sigurie për drejtues dhe zyrtarë të Hipotekës së Durrësit

Ndeshja mes Anglisë dhe Norvegjisë rrezikon shtyrjen, kjo është arsyeja

Krimi në familje/ Vrau gruan me armë gjahu, identifikohet autori dhe viktima

Të shtëna me armë zjarri në Shkodër, dyshohet për një viktimë

Nuk ka konsensus për rezolutën, amendamentet e PD-së mbështeten nga eurodeputetët, PS i refuzon

E-TJERA

Tjetërsimi i pronave, lëshohen 12 masa sigurie për drejtues dhe zyrtarë të Hipotekës së Durrësit

Politiko 9 Korrik 2026, 17:13

Tjetërsimi i pronave, lëshohen 12 masa sigurie për drejtues dhe

Një operacion i Prokurorisë së Posaçme ka vënë në shënjestër Agjencinë Shtetërore të Kadastrës në Durrës, ku janë ekzekutuar 12 masa sigurie ndaj ish-funksionarëve të Hipotekës dhe personave të tjerë të dyshuar për përfshirje në një skemë të tjetërsimit të pronave përmes dokumenteve të falsifikuara.

Masat e sigurisë janë caktuar nga Gjykata e Durrësit dhe përfshijnë "arrest në burg", "arrest në shtëpi" dhe "detyrim për t'u paraqitur" në policinë gjyqësore. Sipas hetimeve, të dyshuarit akuzohen për vepra penale si mashtrim, falsifikim dokumentesh, shpërdorim detyre dhe pastrim të produkteve të veprës penale.

Personat ndaj të cilëve janë caktuar masat e sigurisë:

Ramazan Sheshi – Arrest në burg, i dyshuar për mashtrim, falsifikim dokumentesh dhe pastrim të produkteve të veprës penale ose veprimtarisë kriminale.
Adrian Kona – Arrest në burg, i dyshuar për falsifikim dokumentesh dhe shpërdorim detyre.
Bledar Zerba – Arrest në burg, i dyshuar për falsifikim dokumentesh dhe shpërdorim detyre.
Rovin Zeqja – Arrest në burg, i dyshuar për falsifikim dokumentesh dhe shpërdorim detyre.
Shaqir Sheshi – Arrest në shtëpi, i dyshuar për mashtrim dhe falsifikim dokumentesh.
Viktor Mataj – Arrest në shtëpi, i dyshuar për mashtrim dhe falsifikim dokumentesh.
Arianit Mataj – Arrest në shtëpi, i dyshuar për mashtrim dhe falsifikim dokumentesh.
Besnik Xhafa – Arrest në shtëpi, i dyshuar për mashtrim dhe falsifikim dokumentesh.
Fiqeret Xhafa – Detyrim për paraqitje, i dyshuar për mashtrim, falsifikim dokumentesh dhe pastrim të produkteve të veprës penale ose veprimtarisë kriminale.
Jonida Mergeja – Detyrim për paraqitje, e dyshuar për shpërdorim detyre.
Leandro Dervishi – Detyrim për paraqitje, i dyshuar për shpërdorim detyre.
Artur Çobani – Detyrim për paraqitje, i dyshuar për shpërdorim detyre.
SPAK nuk ka bërë ende publike detaje të mëtejshme mbi mekanizmin e dyshuar të tjetërsimit të pronave, ndërsa hetimet vijojnë për të zbardhur rolin e secilit prej personave të përfshirë në këtë çështje.

Të fundit