Flash News

Nis protesta e 22-të kundër Ramës, mijëra qytetarë në shesh

Pas Koçekut ikën Spiropali? Socialistja sfidon hapur Ramën: PS duhet të vetëpastrohet

Aksident në Fushë Krujë–Laç, humb jetën drejtuesi i motoçikletës, shoferi i “Benz”-it shoqërohet në polici

“Albania is not for sale”, muret e Kryeministrisë ‘vishen’ me mesazhet e protestuesve

Video/ Braktisi PS-në, Marjana Koçeku i bashkohet protestës kundër Ramës

E-TJERA

SKANDAL NË NIKAJ-MËRTUR? Fadromat futen në lumë, banorët: Askush nuk na ka treguar çfarë po ndërtohet!

Politiko 21 Qershor 2026, 20:58

SKANDAL NË NIKAJ-MËRTUR? Fadromat futen në lumë,

Në një kohë kur Shqipëria po ngrihet në këmbë për të mbrojtur Zvernecin, Rrjollin dhe shumë hapësira të tjera natyrore, në Nikaj-Mërtur po zhvillohet një ndërhyrje që ka shqetësuar thellësisht banorët e zonës.

Prej rreth një jave, fadromat kanë nisur ndërhyrje në shtratin e Lumit të Mërturit. Sipas informacioneve të mbledhura dhe burimet e mija, po kryhen gërmime dhe po ndërtohen tre diga betoni, me përmasa tepër shqetësuese.

Shqetësimi është i madh, jo vetëm për ndërhyrjen në vetvete, por edhe për mungesën e transparencës. Në zonë nuk ka tabela informuese, nuk ka njoftime publike dhe banorët thonë se nuk janë vënë në dijeni për qëllimin e saktë të këtyre punimeve.

Nikaj-Mërturi ka mbi 30 vite që pret investime jetike. Shumë fshatra ende përballen me mungesë infrastrukture, me rrugë të amortizuara, me probleme të energjisë elektrike, me shkolla që janë mbyllur dhe me shërbime shëndetësore që po tkurren nga viti në vit.

Ndërkohë, rruga nga Ura e Tetajve deri te Ura e Mërturit, vetëm rreth 2 kilometra e gjatë dhe e përdorur nga banorët e pesë fshatrave, vazhdon të mbetet në një gjendje të papranueshme.

Pikërisht për këtë arsye, shumë banorë e shohin me habi faktin që ndërhyrjet po bëhen në lumë, ndërsa problemet më jetike të zonës vazhdojnë të mbeten të pazgjidhura.

A bëhet fjalë për një projekt mbrojtës kundër depozitimit të dherave në liqen? A është ky hapi i parë drejt ndërtimit të hidrocentraleve të tjera? Deri tani nuk ka një sqarim publik dhe zyrtar.

Ajo që dihet është se Lumi i Mërturit ka pësuar ndryshime të vazhdueshme ndër vite, ndërsa prurjet e tij janë pakësuar ndjeshëm nga hidroçentrali i dhënë me konçension. Për këtë arsye, çdo ndërhyrje e re ngre pyetje dhe shqetësime të ligjshme për të ardhmen e një prej pasurive më të rëndësishme natyrore të Nikaj-Mërturit.

Banorët kërkojnë përgjigje të qarta: Çfarë po ndërtohet? Kush e ka miratuar projektin? Cili është ndikimi në mjedis? Dhe mbi të gjitha, çfarë te ardhmeje e pret lumin që për breza të tërë ka qenë zemra e kësaj zone.

Nga: Besnik Nikoll Palnikaj

Të fundit