Flash News

Plagosje me thikë në Durrës, autori në arrati

Aksident pranë shkollës “Ismail Qemali” në Tiranë, plagoset rëndë motoristi

Votat e diasporës/ Gafë apo manipulim?!Numërohen 43 mijë fletë, ndërkohë që ishin regjistruar vetëm 42 mijë votues

Shkrimtarja polake: Rrofsh parti, rrofsh brez i ri politikanësh shqiptarë me mbështetje nga mafia!

Sulmohet me breshëri kallashnikovi një automjet i blinduar në Greqi, shpëton shoferi

KRYESORE

Politiko.al zbulon kush është Tom Kuka i 'Hide mbi kalldrëm': Një gazetar i njohur...

Politiko 23 Mars 2017, 17:55
Politiko.al zbulon kush është Tom Kuka i 'Hide mbi

Kur Botimet Pegi e nxorën librin, pak para Panairit të Librit, 'Hide mbi kalldrëm' ra në sy fillimisht për emrin e çuditshëm të autorit, por edhe për faktin se botuesja tha se ishte një pseudonim. E menduar edhe si teknikë marketingu, pyetja 'Kush është Tom Kuka' filloi të qarkullonte në Facebook në postimet e gazetarëve apo njerëzve pranë librit. Ngjante si një frazë e dalë nga një tjetër libër i Botimeve Pegi 'Revolta e Atlasit', përkthyer nga Amika Kasoruho ku, herë pas here, pasi ke humbur në lexim, pyetet papritur 'kush është Xhon Gollti?

Kush është pra, Tom Kuka, pen name-i i autorit të 'Hide mbi kalldrëm?'.

Ja çfarë thotë ai për veten në parathënien e librit: Jam një njeri që, ma merr mendja, më njohin mjaftueshëm. Natyrisht, nuk kam bërë punë të zeza, që të kem frikë të paraqitem me emrin tim. As kam ndonjë drojë nga emri që më ka vënë nëna dhe babai, por gjykova që para lexuesit më duhet të qëndroj i fshehur pas Tom Kukës. Përse zgjodha të fshihem pas një pseudonimi? Nuk ka lidhje me modën e viteve '30, kus shkrimtarët gjenin nofka për veten e tyre nga motive krej të tjera.

Unë jam nisur nga një dyshim i madh, që më ka ngrënë si mola drurin. Duke qenë shpesh në sy të publikut, mendoj se mbi personazhin që unë pëfaqësoj janë ngritur opinione e paragjykime. Kjo është e kuptueshme, njerëzore. Ndaj edhe vendosa të paraqitem me një emër tjetër, sepse dëshiroj që lexuesi të lexojë letërsinë e këtij libri, jo autorin e tij. Duke e konsideruar letërsinë punën më serioze që kam bërë në jetë, mendova që ta çliroj atë nga vargonjtë që krijon qasja me publikun nëpërmjet medias, politikës, sipërmarrjes apo aktiviteteve të tjera".

Politiko.al, nga disa burime të afërta me autorin, ka mësuar se Tom Kuka është gazetari i njohur Enkel Demi. Një tjetër 'shenjë' është shënimi në faqen hyrëse të librit, ku jepen edhe emrat e fëmijëve të Demit. (Kjo është zbuluar fillimisht nga një prej kolegëve të Demit në një shkëmbim komentesh në Facebook pak pas daljes së librit).

Misteri e ka bërë të vetën, libri është lexuar dhe ndoshta duhet ribotuar nën emrin e vërtetë të autorit. Urime Enkel Demi, dhe mirësevjen në Letërsi!

Të fundit