Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Jamarbër Malltezi letër Gjykatës së Posaçme: Prej 20 muajsh mbahem në arrest me urdhër të Ramës e Ballës

Politiko 30 Qershor 2025, 09:43

Jamarbër Malltezi letër Gjykatës së Posaçme: Prej 20

Anëtari i Kryesisë dhe Këshillit Kombëtar të PD-së, Jamarbër Malltezi ka treguar sot një letër që ka depozituar në Gjykatën e Posaçme dy javë më parë, si shtesë për kërkesën për heqje të masës së sigurisë. 

Në letrën drejtuar GJKKO, Malltezi thekson se prej thuajse 20 muajsh me urdhër të Edi Ramës dhe Taulant Ballës në arrest shtëpie, si pjesë e një procesi politik.

Në letrën drejtuar GJKKO, Malltezi shprehet se i gjithë procesi është një sulm politik përmes organeve të politizuara në ekstrem, ku kanë marrë pjesë edhe aktivistë të PS të emëruar si OPGJ nga Balla e Manja.

“Në këtë farsë nuk ka fare fakt penal, nuk ka asnjë dëm, ka vetëm kthim të sendit të vjedhur nga hajduti me petkun shtet tek qindra pronarët legjitimë, dhe zhvillim privat i pronës private nga 3 prej trashëgimtarëve të pronarëve sic e kanë vlerësuar vetë privatisht, duke mos nxjerrë me forcë asnjë nga 42 familjet informale që halli i kish bërë të jetonin në kushte të vështira në rrënojat e ish klubit, por perkundrazi duke zgjidhur hallin e strehimit të gjithë atyre familjeve”, shkruan Malltezi në letrën drejtuar Gjykatës së Posaçme.

Malltezi shton në fund të letrës se e gjitha kjo sajesë që u nis me urdhra politikë nuk ka as fakt penal e as çështje publike por veç kthim të sendit të vjedhur dhe zhvillim të pronës private.

"Të tre ne zhvilluesit e pronës së të parëve tanë jemi krenarë që i kthyem dinjitetin të parëve tanë duke (i) respektuar pronarët e ligjshëm, (ii) zgjidhur edhe hallin e strehimit të 42 familjeve informale, (iii) duke i dhuruar komunitetit kopshtin dhe çerdhen më të mirë në qytet, (iv) zhvilluar zonën me shumë dashuri jo me qiellgërvishtës por (v) duke marre arkitekt dinjitoz qe krijoi komunitet të qëndrueshëm, (vi) krijuar me parkun urban më të madh në Tiranë, (vii) me dhjetëra vende çlodhëse dhe vepra arti", thekson Malltezi.

Dokumenta bashkëngjitur

Të fundit