Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Të paktën 5,415 njerëz kanë humbur jetën nga tërmeti në Turqi dhe Siri

Tiranë/ Aksident në bulevardin 'Zhan D’Ark', plagoset një grua

Afera e inceneratorëve, SPAK nis hetimet ndaj Arben Ahmetajt

Si ka degraduar ligj-bërja në Kuvendin e Shqipërisë

POLITIKOFF

Përflitet se 'Produkt 28' do të ribashkohen pas shumë vitesh

Politiko 1 Dhjetor 2022, 19:58

Përflitet se 'Produkt 28' do të ribashkohen pas shumë

'Produkt 28' ishte një ndër grupet muzikore më të dashur për publikun për vite me radhë. Ata u krijuan pikërisht më 28 nëntor të 2002 dhe prandaj mori këtë emër. Turjan Hysko, Fabian Basha dhe Alban Kondi ishin tre djemtë e famshëm të grupit. Prej shumë vitesh askush nuk dëgjoi më këngë prej tyre dhe djemtë vazhduan duke ndjekur gjithsecili karrierën e tij.

Përflitet se 'Produkt 28' do të ribashkohen pas shumë

Së fundmi dy prej djemve do i rikthehen muzikës, por jo së bashku. Albani dhe Fabiani do të jenë pjesëmarrës në 'Festivalin e Këngës' dhe këtë gjë e ka bërë të ditur ky i fundit teksa ishte i ftuar tek  “Abc-ja e Mëngjesit”. Fabiani rrëfeu kohën kur ata punonin në grup dhe çfarë miqësie ruajnë me njëri- tjetrin sot teksa nuk e përjashtoi mundësinë e rikthimit.

Përflitet se 'Produkt 28' do të ribashkohen pas shumë

“Me Albanin hapëm studion e re, e rimodeluam sërish. Ndërsa Turi vjen pi ndonjë birrë. Jemi të dy konkurentë në skenë. Nuk ka ego se ne kemi ndarë të njëjtën skenë për 20 vite. Kam 10 vite pa dalë në skenë. Kam kënduar në dush normal. Më ka marrë malli të shikojë publikun në sy. Të shijoj skenën. Unë jam i frikësuar edhe sot. Nuk besoj që ka performues në planet që nuk ka emocione. Ka dy breza që mua nuk më njohin fare. Në fund të fundit, për mua me rëndësi është si do të pritet. Mendoj që aq njerëz sa përfshihen në emocion, aq shumë do e shijojnë. I pari që vendosi për Festivalin e Këngës, isha unë. Ndërsa Albani më vonë tha po e provoj dhe unë. Ndërsa Turi mesa duket nuk kishte një këngë gati. Ka qenë energjia, ne ishim shokë në studio. Punonim mes 4 mureve, lidhja mes njëri-tjetrit ka bërë që të sjellim edhe këto këngë. Po kemi fjetur bashkë, mblidheshim nga shtëpia ime, ose e Turit. Qanim hallet me njëri-tjetrit. Me Albanin ndajmë edhe studion, takohemi ditë për ditë. Ndërsa me Turin varet edhe angazhimet. Nëse nuk do të riktheheshim më si grup, do të ishte faji i kohës”, –tregoi Fabiani.

Të fundit