Flash News

Rama tërhiqet nga deklarata: Nuk iu thashë shqiptarëvve “F*ck you”

'Albanian Files' nxjerr lakuriq Ramën, Berisha: Ftoj Eurojust dhe Europol të hetojnë 523 projektet

Marjana Koçeku paralajmëron të tjera largime nga PS: Parlamenti vulos vendimet e partisë

EMRAT/ Morën peng klienten dhe e dhunuan, arrestohen dy pronarët e një dyqani elektorshtëpiakesh në Tiranë

Ndodhej në të njëjtën qeli me të birin, ndërron jetë 62-vjeçari i burgosur

SPORT

Rekorde dhe spektakël në Botëror: Nga Dembélé te portieri me 16 pritje

Politiko 28 Qershor 2026, 18:51

Rekorde dhe spektakël në Botëror: Nga Dembélé te

Faza e grupeve e Kupës së Botës 2026 është mbyllur duke sjellë një sërë momentesh historike, surpriza dhe rekorde që kanë tërhequr vëmendjen e tifozëve në mbarë botën. Turneu ka parë konfirmimin e emrave të mëdhenj si Lionel Messi, Cristiano Ronaldo dhe Mohamed Salah, por edhe shpërthimin e talenteve të reja si 17-vjeçari Gilberto Mora.

Një nga ngjarjet më të spikatura ishte fitorja e parë historike e Egjiptit në një Kupë Bote, e arritur pas më shumë se nëntë dekadash pritjeje, në një ndeshje ku “Faraonët” përmbysën Zelandën e Re me gola vendimtarë.

Në aspektin teknik dhe statistikor, turneu ka regjistruar edhe rekorde individuale. Trajneri holandez Dick Advocaat hyri në histori si tekniku më i vjetër në Botëror, duke drejtuar Curaçaon në moshën 78-vjeçare. Ndërkohë, Ousmane Dembélé realizoi një tregolësh në vetëm 32 minuta ndaj Norvegjisë, një nga më të shpejtët në historinë e kompeticionit.

Portieri Eloy Room u bë gjithashtu protagonist me 16 pritje në barazimin pa gola të Curaçaos ndaj Ekuadorit, duke barazuar një rekord historik të turneut. Nga ana tjetër, Messi vijon të kryesojë garën për “Këpucën e Artë” me gjashtë gola, ndërsa Ronaldo ka shënuar në gjashtë edicione të ndryshme të Kupës së Botës.

Në nivel kombëtaresh, Argjentina, Franca dhe Meksika e mbyllën fazën e grupeve me pikë të plota, ndërsa Meksika dhe Spanja u dalluan për mbrojtjet më solide, duke mos pësuar asnjë gol. Gjermania, ndërkohë, regjistroi një nga fitoret më të thella të turneut me suksesin 7-1 ndaj Curaçaos.

Të fundit