Flash News

Plagosje me thikë në Korçë

Trump pezulloi fondet ndaj SPAK, reagon delegacioni i BE në Tiranë

Lezhë/ Gjendet i vdekur i riu në makinë, dyshimet e para

Institucionet nuk denoncojnë korrupsionin dhe krimin e organizuar

GJKKO dënon me 10 muaj burg "Rrumin e Shijakut"

E-TJERA

Gjendet një makinë e djegur pranë Novoselës, dyshohet se u përket autorëve që vranë Kristian Markun

Politiko 13 Janar 2025, 20:22

Gjendet një makinë e djegur pranë Novoselës, dyshohet se u

Një automjet i djegur është gjetur pranë zonës së Novoselës dhe dyshohet të jetë përdorur nga autorët e vrasjes së 30 vjeçarit Kristian Marku, mbrëmjen e kësaj të hëne në autostradën Fier-Vlorë. 

Makina tip golf është gjetur duke u djegur në afërsi te nën kalimi i Novoselës, jo shumë larg vendit të ngjarjes.

Kristian Marku 30 vjec i cili u qëllua sot për vdekje rezulton me precedent penal.

Raportohet se ai ishte i përfshirë në një ngjarje të rëndë kriminale dy vjet më parë, në mars 2023, ku u përball me akuza për tentativë vrasje në bashkëpunim, kur së bashku me persona të tjerë ai ka hapur zjarr drejt makinës së Saimir Reçit, teksa ky i fundit ndodhej brenda saj.

Ngjarja e vitit 2023 kishte ndodhur në qytetin e Rrëshenit. Kristian Marku ishte një nga personat e përfshirë në këtë ngjarje dhe u akuzua së bashku me të afërm të tij, për tentativën e vrasjes së Saimir Reçit.

Sipas hetimeve të bëra nga Prokuroria e Rrethit Gjyqësor Lezhë, ngjarja kishte ndodhur pas një përplasjeje mes Saimir Reçit dhe disa anëtarëve të familjes Bardhi, përfshirë edhe Kristian Markun alias Kristi Bardhi, ku ata kishin qëlluar me armë zjarri në drejtim të automjetit të Reçit.

Reçit u shpëtoi plumbave pasi ndodhej në automjetin e tij të blinduar.

Kristian Marku dhe të afërm të tij u akuzuan për “Vrasje me paramendim të mbetur në tentativë” dhe “Mbajtje pa leje të armëve dhe municionit luftarak”.

Në lidhje me vrasjen e tij sot, hetuesit kanë nisur hetimet dhe janë duke mbledhur prova për të sqaruar rrethanat e atentatit.

Të fundit