Flash News

Përplasen dy automjete në aksin Laç–Patok, plagoset njëri nga drejtuesit

Aksidentohen në Berat çifti i turistëve nga Arabia

Sulmoi me thikë shkrimtarin duke e verbuar në njërin sy, dënohet me 25 vite burg autori

I biri plagosi me thikë të miturin, nëna e 14-vjeçarit: Në shtëpi erdhi me policinë

Protesta e PD/ Efektivë policie në terren, vendoset gardh metalik

E-TJERA

Gonzato-qeverisë: Anëtarësim s’do të thotë vetëm miratim legjislacioni, krijoni mjedis që rinia të ecë para

Politiko 9 Prill 2025, 10:43

Gonzato-qeverisë: Anëtarësim s’do të thotë

Nga konferenca Rajonale “Përshpejtimi i Reformave të Kujdesit për Fëmijët drejt Anëtarësimit në Bashkimin Evropian”, ambasadori i BE në Shqipëri, Silvio Gonzato foli për procesin e integrimit.

Gonzato theksoi se anëtarësimi nuk nënkupton vetëm miratimin e legjislacionit, por edhe shndërrimin e shoqërisë në të gjitha aspektet e saj.

Ambasadori i BE vuri në dukje krijimin e një mjedisi të sigurt për rininë, që në Shqipëri zgjedh të emigrojë. Gonzato tha se duhet të krijohen më shumë kushte e mundësi për shkollim e punësim.

“Një nga objektivat që duhet të arrihet deri në 2030 në BE është ulja e numrit të personave që janë në rrezik varfëria apo nga përjashtimi social në të paktën 15 mln dhe shifra për fëmijët është 5mln. Ne e shikojmë garanci për fëmijët si një program kyç për të ofruar mbështetje të rinjve.

Procesi i anëtarësimit nuk do të thotë vetëm miratim legjislacioni, por kërkon shndërrim të shoqërisë  në të gjitha aspektet e saj. Sipas negociatave për anëtarësim, të drejtat e fëmijëve janë pjesë e grup kapitullit themelor, ndërsa legjislacioni për arsimi dhe politikën sociale mbulohet nga grup kapitullit tre që shpresojmë të hapet së shpejti.

Vendet kandidate pritet që të krijojnë kuadrin e duhur për të krijuar mjedisin që lejon ecjen përpara të rinisë, duke ofruar studentëve aftësitë që i duhen edhe nga tregu i punës. Të krijohen më shumë mundësi dhe më shumë mundësi të barabarta për punësim me dinjitet.

BE është këtu për të shoqëruar të gjithë vendet kandidate nëpërmjet planit të rritjes. Mbështetja vjen edhe në mbështetje financiare për zbatimin e reformave”, deklaroi Gonzato.

Të fundit