Flash News

"Don't trust anyone," the US embassy warns Albanians about visas

Protest in Pristina against electricity increase

Weather today, Sunday is forecast to be unsettled

Berisha comments on Rama-Basha's 'flirtation': Gili vili daily, I came back for Great Albania

"Stop or I'll fuck you up"/ Alimadhi reacts after being forcibly escorted by the police: They hit me like a criminal

Ditari i Opozitës

Berisha: Do sanksionojmë me ligj shenjtërinë e familjes, kemi vendosur dinjitetin njerëzor të parë

Politiko 2025-04-05 20:20:30

Berisha: Do sanksionojmë me ligj shenjtërinë e familjes, kemi

Nga Malësia e Madhe, ku prezantoi kandidatët për deputet, kryedemokrati SaliBerisha tha se programi i PD do të bazohet në dinjitetin e njeriut dhe familjen.

Berisha tha se PD do të bëjë çdo përpjekje për t’i dhënë fund denigrimit të familjes, duke renditur edhe disa nga arsyet se pse Rama largoi nga vendi në 12 vite, plot 1 milionë shqiptarë.

Berisha: Shqipëria Madhështore në të vërtetë qëndron në genin e këtij vendi. Zoti, natyra e ka bërë këtë vend me pasuritë më të mëdha, me bukuritë më të mëdha, me potencialet më madhështore.

Pra, ne nuk kemi fantazuar, por kemi vlerësuar atë që ofron ky vend për t’u ngritur në madhështinë e tij.

Ky vend ka pasuri përrallore, nëntokësore dhe mbitokësore, ka një tokë nga më pjelloret, ka brigje dhe male fantastike, ka rezerva të pafundme nëntokësore, ka naftë, në Shqipëri rritet çdo gjë.

Atëherë pse ky vend në 12 vite largoi 1 milion shqiptarë vetëm në hapësirën e BE?

Të gjithë u larguan vetëm për dy arsye. Nuk u larguan se nuk ishin të shëtitur. U larguan sepse nuk kishin punë, u larguan nga varfëria. U larguan se në sofrën e tyre nuk mjaftonte ushqimi për të gjithë.

Ndaj dhe ne, me programin tonë kemi vendosur dinjitetin njerëzor të parë. Njeriu dinjitoz është njeriu që nuk flet me vete nga varfëria. Ai që flet me vete nga varfëria, ai është i dënuar. Ai nuk e meriton kurrë atë dënim. Ai nuk e ka atë nga dembelizmi. Jo, ju jeni njerëz të punës.

Mendoni për një moment, në të gjithë fshatin tuaj, sa janë të varfër që nuk punojnë? Absolutisht nuk janë më shumë se 1 në 1 mijë.

Të tjerët janë të varfër se i bën regjimi, se i bën qeveria, se i shfrytëzon qeveria, se i braktis qeveria, se nuk i ndihmon qeveria, se vjedh qeveria pasuritë e tyre.

Nuk ka varfëri se është dembel tjetri, varfëria vjen nga politikat e qeverisë. Ne kemi vendosur familjen në epiqendër. Merr fund çdo përpjekje për të denigruar familjen shqiptare. Nuk ka dinjitet pa familje dinjitoze. Nuk ka dinjitet njerëzor pa një familje dinjitoze. Ndaj dhe ne do sanksionojmë me ligj shenjtërinë e familjes.

Latest news