23 vëzhgime sociologjike për Shqipërinë dhe shqiptarët

Marsel Lela

 

Vëzhgim sociologjik Nr. 1:

Jetojmë në një shoqëri krehabishtëse.

Vëzhgim sociologjik nr. 2:

Sa më e shtrenjtë makina, aq më e vrerosur fytyra.

Vëzhgim sociologjik Nr. 3:

Sa më pranë pushtetit, aq më shumë vila pranë detit.

Vëzhgim sociologjik Nr. 4:

Sa më i lartë niveli i frustrimit, aq më kokëfortë xhirimi i gomave.

Vëzhgim sociologjik Nr. 5:

Rritja e numrit të turistëve, rrit nivelin ekonomik të dentistëve.

Vëzhgim sociologjik Nr. 6:

Dikur turqit na i hiqnin dhëmbë e dhëmballë. Sot na i vënë me ofertë.

Vëzhgim sociologjik Nr. 7:

Teatri e ka gjithnjë një hero që shpëton situatën, makar edhe Jago në qoftë.

Vëzhgim sociologjik Nr. 8:

Të mos marrësh kupon tatimor osh respekt.

Vëzhgim sociologjik Nr. 9:

Në hotel me 5 yje: Ma bëj një kafe. - E kena fik ekspresin!

Konkluzion: Express-i është një objekt kulti që adhurohet në distancë nga klientët që pinë mohito.

Vëzhgim sociologjik Nr. 10:

Akustika e lartë. Shqiptarët nuk dëgjojnë nga ai vesh.

Vëzhgim sociologjik Nr. 11:

Në shoqërinë tonë ka shumë Kiço Pela.

Vëzhgim sociologjik Nr. 12:

Bukurinë ta ka fal Zoti

Ontidjersën bleje vet'.

- nga një këngë qytnare tironse

Vëzhgim sociologjik Nr. 13:

Shqiptari jeton në kulturën e turpit. Më mirë të vret se sa të shkojë te psikiatri.

Vëzhgim sociologjik Nr. 14:

Hamasi dhe Osho ia dalin gjithmone t'i impresionojnë robt.

Vëzhgim sociologjik Nr. 15:

Kur Nue Rroku nuk e xan tokën, asht' toka qy’ e xan Nue Rrokun.

Vëzhgim sociologjik Nr. 16:

Është më e vështirë të gjesh një përkthim të mirë se një AK-47.

Vëzhgim sociologjik Nr. 17:

-A ke bukë të zezë?

- Vetëm të bardhë.

- S'ka problem se me biçikletë jam.

Vëzhgim sociologjik Nr. 18:

We are a society full of kismet.

Vëzhgim sociologjik Nr. 19:

Një gjë është e sigurt, nuk jemi Kolumbi. Në Kolumbi karteli i Medelinit bëri dy orë luftë të armatosur, deri sa arriti të digjte gjykatën, e bashkë me to dosjet e Eskobarit, që atij t'i hapej rruga për të kandiduar në politikë. Ndërsa te ne nuk ka nevojë për luftë. Digjen në ményrë demokratike.

Vëzhgim sociologjik Nr. 20:

Ka njerëz që i zë sifilizi dhe kujtojnë se i ka zënë filozofia.

Vëzhgim sociologjik Nr. 21:

Jemi popull që duam të jemi të gjithë të parët, por flasim për veten në vetë të tretë.

Vëzhgim sociologjik-dialektologjik Nr. 22:

A: Ku je?

B: Jam qtu.

(Pas dy ofertash mujore A arrin t'i tregojë B se është tek QTU).

Vëzhgim sociologjik Nr.23:

Uji me orar, legenat pa karar.