Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Basha prezanton ‘Shqipërinë gjithëpërfshirëse’: Kandidatët për deputetë apo kryebashkiakë do zgjidhen online

Politiko 5 Prill 2019, 18:51

Kyetari i Partisë Demokratike, Lulzim Basha në një takim me studentët e Universitetit Politeknik prezantoi modelin e përzgjedhjes së kandidatëve për deputet apo kryebashkiak nga ‘selia blu’. Sipas tij, përcaktimi i tyre do të bëhët sipas modelit të Partisë Konservatore në Angli dhe Partisë Kristiandemokrate të Partisë Republike të SHBA, përmes aplikimeve online.

“Unë jam i vendosur ta demokratizoj dhe modernizoj PD dhe për këtë kam mbështetjen e botës perëndimore, të Partisë Konservatore, të Partisë Kristiandemokrate të Partisë Republike të SHBA. Sistemi që ne do të adoptojmë është një sistem që e hap PD. E hap ndaj çdo kujt që ndan vlerat tona dhe i jep mundësi përmes garës që të kontribuojnë. Që të ndryshojë politika duhet të ndryshojnë partitë politike. Nëse brenda partive gjithë vendimmarrja është në dorën e një njeriu, në rastin konkret të kryetarit të partisë që bën listën e deputetëve ashtu do të jetë nesër dhe shteti në dorën e një njeriu. Ne do ti japim fund kësaj praktike, duke nisur brenda PD sot dhe nesër në qeverisje”, deklaroi Basha duke shtuar:

“Me procesin e zgjedhjes së kandidatëve ne do të ndjekim modelin evropian, do të mundësojmë që çdokush që ka interes të përfaqësojë politikisht qytetarët, komunitetin, në çdo nivel, kryebashkiak apo deputet të kenë mundësi të kandidojnë. Do ta bëjmë këtë duke i pamundësuar kandidimin personave me rekorde kriminale apo atyre që nuk janë të aftë.  Britanikët po na ndihmojnë që ne të ndërtojmë një mënyrë të zbatimit të këtyre rregullave. Nesër pasnesër ju do të shikoni vetë kur PD do të botojë online formularë të aplikimit për ata që dëshirojnë të jenë kandidatë në zgjedhjet e ardhshme në emër të PD. Do të jetë merita që do të përcaktojë se kush do të jetë ai apo jo që do të përfitojë përmes votës së lirë dhe vlerësimit transparent që do të përfaqësojë PD në një parlament të çliruar nga krimi dhe kriminelët”, sqaroi lideri demokrat.

Basha u ndal edhe te listat e hapura, për të cilat u shpreh se qytetarët do vendosin jo vetëm për siglën e partisë por edhe për listat e deputetëve.

Të fundit