Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

KRYESORE

Bashkimi Europian jep 30 milionë euro për Ballkanin Perëndimor

Politiko 4 Shkurt 2019, 13:04
Bashkimi Europian jep 30 milionë euro për Ballkanin Perëndimor

Përmes Kornizës Investuese të Ballkanit Perëndimor (WBIF) do të akordohen 30 milionë euro për projektet e investimeve në infrastrukturën dixhitale për Ballkanin Perëndimor.

Këshilli për Bashkëpunim Rajonal (RCC) bën thirrje për aplikimet e vitit 2019, së bashku me Zyrat Kombëtare të Koordinimit të IPA-s (NIPAC) në të gjithë rajonin dhe me mbështetjen e IFICO (IFI), Drejtoria e Përgjithshme për Negocimet e Fqinjësisë dhe Zgjerimit (DG NEAR) dhe Drejtoria e Përgjithshme për Rrjetet, Përmbajtjen dhe Teknologjinë e Komunikimit (DG CONNECT), duke u përpjekur për të rritur ndërgjegjësimin mbi mundësitë e këtij instrumenti, për lidhjen me brez të gjerë të rajonit. Forma e aplikuar për këto fonde do të bëhet e mundur përmes projekteve në kryeqytetet e rajonit.

Pesë seminare janë mbajtur gjatë kësaj jave me këtë qëllim: në Beograd, Shkup, Prishtinë, Tiranë dhe Podgoricë, dhe një në Sarajevë do të mbahet në javët e ardhshme. Këto seminare gjysmë ditore kanë për qëllim nxitjen e aplikacioneve për asistencë teknike në projektet dixhtale (lidhja broadband) nga të gjithë përfituesit e ËBIF dhe duke kontribuar në absorbimin më të madh të fondeve të dedikuara.

Aplikacionet konkrete dhe inkurajuese janë në fazën e përgatitjes në disa prej vendeve të Ballkanit Perëndimor dhe faza e parë e projektit ka ofruar këshilla teknike për këto projekte, duke dëshmuar se ekonomitë e Ballkanit Perëndimor janë në rrugën e duhur për të përmirësuar marrjen e fondeve të ËBIF të dedikuara për sektorin dixhital.

Korniza e Investimeve të Ballkanit Perëndimor (WBIF) është një strukturë rajonale e përzierjes që mbështet zgjerimin e BE-së dhe zhvillimin socio-ekonomik në gjashtë ekonomi të Ballkanit Perëndimor, i themeluar në vitin 2009 si një iniciativë e përbashkët e Komisionit Europian, Bankës për Zhvillim të Këshillit të Evropës Rindërtim dhe Zhvillim, Banka Evropiane e Investimeve dhe disa donatorë dypalësh./Monitor

Të fundit