Flash News

Trafikimi i qenieve njerëzore/ Zbulohen 4 laboratorë me pasaporta shqiptare të falsifikuara në Greqi

U arrestua në Durrës, kush është “Akili” që përdorte 25 identitete, i shpëtoi 5 atentateve

Aksioni i RENEA-s, arrestohet në Durrës Xhevdet Plaku, i njohur me nofkën “Akili”

RENEA aksion në Durrës, kontrolle në Sukth e Shijak

Vrasja e shqiptarit në Greqi, arrestohet autori i dyshuar, si ra në prangat e policisë

Bota

Lirohet nga burgu vrasësi i Giovanni Falcone, dha informacion për krimet e "Cosa Nostra-s"

Politiko 1 Qershor 2021, 11:28
Lirohet nga burgu vrasësi i Giovanni Falcone, dha informacion për
Giovanni Brusca

Giovanni Brusca, vrasësi i gjyqtarit italian Giovanni Falcone dhe i disa personave të tjerë është liruar nga burgu pasi vuajti një dënim 25-vjeçar. Lirimi i tij ka shkaktuar hidhërim dhe zemërim te të afërmit e njerëzve që vrau.

Brusca u arrestua në vitin 1996, katër vjet pasi vrau Falconen, gruan e tij dhe tre policë. Vrasja e Falcones, e ndjekur dy muaj më vonë nga ajo e shokut të tij, magjistratit të antimafias Paolo Borsellino, ishte një nga episodet më famëkeqe në luftën e gjatë dhe të dhunshme të Italisë kundër krimit të organizuar.

Brusca, i njohur si 'vrasësi i njerëzve', ka rrëfyer rolin e tij në mbi 100 vrasje, përfshirë vdekjen e një djali 14-vjeçar, Giuseppe Di Matteo, i cili u vra, sepse ishte djali i një informatori mafioz.

"Ai ka bashkëpunuar me drejtësinë vetëm për të marrë përfitimet, nuk ishte një zgjedhje personale," i tha gruaja e një polici të vrarë nga Brusca për të përditshmen "Corriere della Sera".

Maria Falcone, motra e gjykatësit, tha se ajo ishte "trishtuar" nga lajmi, por që ligji i dha të drejtën Bruscës të linte burgun. Brusca iu dha hetuesve informacione mbi disa vrasje të kryera nga "Cosa Nostra" në vitet 1980 dhe 199.

Burimi: Reuters

Të fundit