Vritet në Teharan "babai i bombës iraniane" Mohsen Fakhrizadeh

Shkencëtari i armëve bërthamor i Iranit Mohsen Fakhrizadeh është vrarë pranë kryeqytetit Teheran. Lajmin e ka konfirmuar ministria e Mbrojtjes e vendit, raporton BBC.

Fakhrizadeh vdiq në spital pas një sulmi në Absard, në qarkun Damavand. Ai quhej ndryshe si "babai i bombës iraniane" nga diplomatët. Agjencitë iraniane të lajmeve thanë se agresorët synuan makinën e tij me një bombë para se të qëllonin në drejtim të tij.

Lajmi për vrasjen vjen mes shqetësimeve të reja për sasinë e shtuar të uraniumit të pasuruar që Irani po prodhon. Uraniumi i pasuruar është një komponent jetësor si për prodhimin civil të energjisë bërthamore ashtu edhe për armët bërthamore ushtarake.
Irani këmbëngul se programi i tij bërthamor është ekskluzivisht për qëllime paqësore. Midis 2010 dhe 2012, katër shkencëtarë bërthamorë iranianë u vranë dhe Irani ka akuzuar Izraelin për bashkëpunim në vrasjet. Emri i Fakhrizadeh u përmend specifikisht në prezantimin e kryeministrit izraelit Benjamin Netanyahu rreth programit bërthamor të Iranit në maj 2018.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm