Hedh poshtë mundësinë e koalicionit, Mediu: Ramën s’e kam armik, do pi kafe me të

Kreu i Partisë Republikane, Fatmir Mediu ka hedhur poshtë mundësinë për një marrëveshje me kreun e PS, Edi Rama.

I ftuar në ‘Real story’, Mediu thotë se megjithatë, Ramën nuk e ka armik dhe mund të pijë kafe me të, teksa sqaron se nuk ka ndërmend të bëjë marrëveshje me të majtën.

“Edi Ramën se kam armik. Ata janë kundërshtarët e mi në politikë, por unë jam shqiptar dhe kam pirë kafe me ta. Kam pirë kafe me Nanon. Politika është komunikim. Thash se do pi kafe me Edi Ramën jo për të bërë marrëveshje politike se nuk e kam bërë ndonjëherë. S’kam ndërmend që pas 30 vitesh të bëjë marrëveshje me të majtën, që të jem i sinqertë për këtë.

Pozicioni im është marrëveshje me PD. Për sa i përket kolegëve të mi, Patozi, Topalli, unë i kam vlerësuar si autoritetet që kanë histori tek PD. Historia e PD nuk është vetëm e shkruar. Qëllimi për të rrëzuar Edi Ramën, është faktorizimi i opozitës”, tha Mediu, i cili ka prezantuar 36 kandidatët e PR për Tiranën.

Sipas tij, çdo subjekt politik duhet të ketë 140 kandidatë.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm