Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

Ditari i Maxhorancës

Kuko e PS: Çfarë ka Zelenskyy më shumë se Zegjineja?

Politiko 5 Korrik 2025, 18:45

Kuko e PS: Çfarë ka Zelenskyy më shumë se Zegjineja?

Zegjine Çaushi është ndoshta kandidatja më me fat e zgjedhjeve të 11 Majit. Ajo siguroi mandatin e deputetes, por rinumërimi i kutive me 10 vota diferencë ia hoqi duke ia kaluar Maldrita Bardhon. Mirëpo, pavarësisht vullnetit të popullit që nuk e kishte zgjedhur, partia sakrifikoi Maldritën për Zegjinenë e Facebook-ut.

Zegjineja bëri bujë me video-t që postonte kur i drejtohej Gazment Bardhit. Me një fjalor aspak të përshtatshëm për një deputete të ardhshme, Zegjineja u bë shumë shpejt virale, e për të, viraliteti përkthehej në vota.

Të tillë e ka parë edhe deputetja e zgjedhur e PS, Romina Kuko. Iluzionet socialiste për një vend në karrige shkojnë më larg, aq sa Kuko në një intervistë për News24 e krahason Zegjinenë me presidentin ukrainas Volodymyr Zelenskyy-n. Ironike, por e vërtetë.

Kuko është shprehur se edhe Zelenskyy ishte komedian, por u bë president. Sipas saj, politika kërkon përfaqësime të reja dhe Kuko e sheh më së miri tek ‘meme-t’ e Zegjinesë së Roskovecit.

“Politika sot kërkon forma të reja përfaqësimi, dhe brezi i ri nuk afrohet më përmes metodave tradicionale. Sot, politika ndiqet përmes rrjeteve sociale. Ka plot shembuj në Evropë ku ‘partitë ndryshe’ janë kthyer në realitet politik, qoftë edhe nga komedianë si presidenti ukrainas Zelensky apo figura të pazakonta. Ajo që më shqetëson është kur një politikan shkatërron procesin demokratik, jo kur komunikon ndryshe,” theksoi Kuko.

Vërtetë, Zelenskyy i qëndroi pranë Ukrainës gjatë luftës ruse, duke kërkuar edhe sot përfundimin e një genocidi të nisur nga Putin. Por, ndryshon puna te Zegjineja. Deputetja e re socialiste as nuk ka luftuar për ndonjë ideal, e as nuk prezantoi në video-t e saj se çfarë do t’i ofronte popullit që e votoi, përpos shprehjeve të tipit: “O gazooo”, “o motraaa”.

Të fundit