Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

Ditari i Maxhorancës

Nga ndeshja e kombëtares tek anulimi i turit në Angli, flet Rama

Politiko 11 Qershor 2024, 18:02

Nga ndeshja e kombëtares tek anulimi i turit në Angli, flet Rama

Kryeministri Edi Rama ka folur gjatë Asamblesë së PS, edhe për turin e zhvilluar me emigrantët shqiptarë në Evropë.

Rama u shpreh se takimi i planifikuar për t’u mbajtur në Londër u anulua për shkak të zgjedhjeve të parakohshme të thirrura në Britani, duke thënë se u bë problem marrja e sallës së prenotuar më parë.

Po ashtu ai theksoi se në një situatë zgjedhore është normale shmania e një takimi me natyrë politike, edhe pse nuk ka lidhje me situatën zgjedhore.

Sa i përket takimit në Duseldorf të Gjermanisë, Rama u shpreh se takimi me diasporën atje u anulua për shkak të përkimit të datave me ndeshjet e ekipit kombëtar të futbollit në Kampionatin Evropian.

“Ka qenë një trokitje në derën e shqiptarëve të Europës përtej mureve të sallës, ku ka filluarnjë punë domethënëse për të rienergjizuar tërësisht rrjetin e anëtarësisë dhe simptaizantëve të PS. Turi do të vijojë në shtator, duke qenë se për shkak të zgjedhjeve të parakohshme në Londër u bë një problem më vete marrja e sallës që kishim prenotuar më parë. Dhe me të drejtë, sepse në një situatë zgjedhore është normale që edhe ne të shmangnim një takim që pavarësisht se nuk është partiak, sidoqoftë është një takim politik. Po kështu, duke qenë se parashikimi apo përgatitja për të bërë takimin tjetër të Duseldorfit në një moment shumë afër me ndeshjen e skuadrës sonë kombëtare, nuk do donim që të krijohej një ide e përzierjes së dy gjërave, edhe pse takimi ishte i organizuar pavarësisht kësaj. Në shtator do rimarrim turin dhe do zhvillojmë takimet e Gjermanisë dhe Britanisë së Madhe, ndërsa do përgatitemi edhe për një takim në SHBA”, u shpreh ai.

Të fundit