Flash News

Berisha: Në PPE kërkova mbështetje ndërkombëtare për protestat qytetare, PD i mbështet plotësisht

“Mandi tha se do të nxirrte një frigorifer”, zhdukja e Eglant Koçit, zbardhet dëshmia e përkrahësit të autorit

"Mbro tokën", mes protestave, BE i kujton Ramës kushtin për integrim

Kush janë 4 anëtarët e grupit kriminal të arrestuar në Tiranë

Prindër, bëni kujdes me kondicionerin! Mjeku tregon shenjat e para të edemës së laringut

Ditari i Maxhorancës

"S'ka krizë në Policinë e Shtetit" Rama pyetet për shkarkimin e Veliut: Ndryshimi në nivele të larta do të bëhet më shpejt se sa ishte planifikuar

Politiko 29 Qershor 2021, 14:13

"S'ka krizë në Policinë e Shtetit" Rama pyetet

"Ndryshimet në nivele të larta të Policisë së Shtetit do të bëhen më shpejt se sa ishin planifikuar nisur dhe ngjarjeve të fundit në vend." Kështu ka deklaruar kryeministri Edi Rama sot gjatë një konference para gazetarëve, teksa e cilësoi si absurd sulmin ndaj Policisë së Shtetit.

“Për sa u përket ristrukturimit jemi në një fazë intensive pune në të gjithë sektorët, për të përgatitur mandatin e tretë dhe është koicidencë, por nuk ka asnjë problem në këtë aspekt, përkundrazi një arsye më shumë. Dua të sqaroj të mos ketë asnjë keqkuptim se dje ministrit të brendshëm ia morët fjalët dhe ia kthyet mbrapsht. Nuk është asnjëherë asnjë ngjarje në çfarëdo niveli dhe çfarëdo sektori që ka edhe fatalitete, pavarësisht përgjegjësisë direkte ose jo, një arsye për të larë duart. Asnjëherë përkundrazi çdo ngjarje është një arsye për të menduar se si gjërat mund të bëhen më mirë. Kur them që në ngjarjet në fjalë sulmi ndaj Policisë së Shtetit është absurd nuk kam parasysh që policia mund të bëjë më mirë punën e vet, kam parasysh se policia nuk është në ndonjë vend demokratik ajo që garanton gjithçka dhe që kontrollon sjelljen e njerëzve.
Policia ka nevojë për një mbështetje dhe më të madhe sa i përket teknologjisë. Ristrukturimi i policisë dhe në aspektin organizativ, tek ai i burimeve dhe i drejtuesve ka nisur si proces dhe po ndërtohet dhe do të realizohet më shpejt pikërisht për të reaguar ndaj kësaj situate. Ndryshimi në nivele të larta të policisë së shtetit do të bëhet më shpejt se sa ishte i planifikuar”, tha Rama.

I pyetur nëse a do të shkarkojë drejtorin e Përgjithshëm të Policisë së Shtetit, Ardi Veliu, Rama tha se nuk ka krizë në Policinë e Shtetit. Kryeministri tha se puna e Policisë nuk mund të hidhet poshtë se ndodhën disa ngjarje tragjike dhe sipas tij, olicia e Shtetit, nuk është në asnjë situatë problematike, është në një proces rritjeje dhe fuqizimi të mëtejshëm

“Nuk di se si të shpjegoj që rastet konkrete shihen ne kontekst. Nëse do niseshim nga rastet për të hequr njerëz, s’do kishte ngel më njeri që të merrte një detyrë. Policia e Shtetit, nuk është në asnjë situatë problematike, është në një proces rritjeje dhe fuqizimi të mëtejshëm, nuk ka problematikë më të madhe sec kishte para këtyre ngjarjeve, kur gjërat dukeshin normale.

Nëse i referohemi disa ngjarjeve me ‘ngrëniet e kokave’ duhet të shikojmë edhe aty reagimin e policisë, dhe ndalimin e autorëve. Nuk ka krizë në Policinë e Shtetit, kjo është e qartë për mua, bazuar në fakte kontekst e në trende. Puna e Policisë nuk hidhet dot poshtë se ndodhën disa ngjarje tragjike. Cfarë mund të bëjë policia mes dy fqinjve që në mes të natës, futen në një sherr dhe përfundon me fatatiletete. dini të ma thoni këtë. Në cilin vend të Botës, mund të evitohet? Nëse vijmë te armëmbajtja pa leje, kemi një legjislacion ndër më të rëndët, nga pikëpamja e dënushmërisë kemi një problem edhe vreshti nuk ruhet sa duhet nga frika e ligjit.  Nuk kam dal këtu të justifikoj asgjë, as të heq asnjë përgjegjësi nga askush, por jemi në një moment shumë të rëndësishëm të vitit. Ku kemi në ndër periudhat më të rëndësishme për ekonominë, turizmin.

Një apo dy ngjarje, janë arsye për të nxjerrë mësim, por jo për të nxjerrë arsye se këtu vdesin dhe turistët të kthehen nga rruga. Janë me mijëra raste që kanë marrë dokumetacionin dhe janë disa me konflikte. Plazhi është i qytetarëve, nuk mund ta marrësh duke ardhur nga 7 radhë më tutje e duke u imponuar. Kjo është gjëja që ne kemi bërë e do e bëjmë deri në fund. Nuk mund të jetë gjithë plazhi një shtrat me shezllone e roje që kërkojnë lekë. Kush nuk do të paguajë, mund të rri në rërë e të mos paguajë asgjë, se është plazhi i vet si qytetar.” u shpreh Rama.

Të fundit