Berisha denoncon “turizmin e tritolit”: Rama, shkaktar për shpërthimet në Orikum dhe shkatërrimin e Thethit

Kryedemokrati Sali Berisha bëri sot një denoncim lidhur me shpërthimet me tritol që tronditën Orikumin, duke i cilësuar ato si “turizëm me tritol” dhe përgjegjës të drejtpërdrejtë e quajti kryeministrin Edi Rama.

Në një reagim për media, Berisha tha se një sasi prej 32 kilogramësh tritol, e përdorur për shpërthime në mëngjes në Orikum, ka krijuar panik dhe terror tek banorët dhe turistët, duke prishur qetësinë dhe duke shkaktuar edhe ndërprerje të energjisë elektrike.

 Ai e quajti autorin e kësaj situate “Ramaduro”, dhe tha se vetëm një person i tillë i degraduar mund të kryejë veprime të tilla në kulmin e sezonit turistik.

Berisha paralelisht u rikthye të denoncojë shkatërrimet e ndodhura në zonën e Thethit, të cilat sipas tij janë kryer me motive politike, pasi ajo zonë kishte votuar masivisht për Partinë Demokratike.

Pjese nga deklarata

Mariglen, unë sapo e mësova bëra një denoncim. Por, nuk arrita të marr një informacion, se sot në mëngjes u njoha mne këtë lajm, me njëherë e denoncova turizmin e tritolit të një njeriu të shfazuar që, u ofron banorëve të Orikumit, dhe keni parasysh një qytezë është Orikumi, dhe pushuesve që mund të jenë aty, iu ofron terrorin e 32 kilogramëve tritol, pluhurin, zhurmën në kulmin e turizmit.

 Këtë, mund ta bëjë vetëm një njeri që quhet Ramaduro. Një njeri që, nuk ka asnjë parim, asnjë normë përveç dufeve, shpërthimeve të tij shpirtërore. Se si mund të ti një qytet, e kam hedhur edhe aty. Se si mund të zgjosh një qytezë të tërë dhe fillojnë ditën, fillojnë pushimet, me një shpërthim të atillë, duke iu prerë dhe dritat, duke krijuar një situatë lufte, këtë mund ta bëjë vetëm Ramaduro, askush tjetër.

Nuk di se e kujt është, do pyes, do të informohem, padiskutim, nuk kam arritur por, u kujdo që të ishte dhe çfarëdo që të ishte, ajo nuk mund të bëhej kurrë jnë ditë në atë qytet. Ajo mund të bëhej në vjeshtë në qoftë se kishte çdo komision të shkelur, e me radhë. Por ky, është një njeri që udhëhiqet nga urrejtja.

Ne e denoncuam se, kishim të dhëna të sigurta se, ato që bëri në Theth ishin politikisht të motivuara, për arsye se, pikërisht, ajo zonë kishte votuar me shumicë për PD, megjithëse ky, kishte shkuar dhe i kishte, si të thuash, mikluar, që të vijnë të investojnë bijtë e tyre, të jetojnë këtu me radhë e me radhë. Nuk mori votat, ka bërë në Theth atë që nuk e ka bërë kush kurrë.

Domethënë, në historinë e Thethit, një rrënim të atillë, Thethit nuk ia ka bërë asnjë hordhi, asnjë pushtues. Kanë tentuar serbët, por janë kthyer në kufoma. Thethi rrafshohet për herë të parë nga një armik i betuar i Thethit, i Shkodrës, i veriut, i Kosovës, që e ka emrin Edi Rama. Kjo është e vërteta.

Po unë, kudo që të ndodhte ajo, e dënoj njëlloj. Edhe në Orikum, e dënoj njëlloj.

Cilido që të jetë ajo. Unë, kam respekt për banorët, respekt për turistët. Duhet të jetë i çmendur nga urrejtja. Kënaqësitë e tij duket se vijnë vetëm nga shkatërrimet. Njeri i degraduar totalisht nga krimi.