Flash News

Gjendet celulari i Ilaria Sulës në banesën e ish të dashurit Filipinas

Ditari i Opozitës

Berisha me biznesin e vogël: Bashkisë do ia vëmë kufirin tek thana, nuk të vërë taksa më shumë se 1% të xhiros

Politiko 15 Prill 2025, 12:04

Berisha me biznesin e vogël: Bashkisë do ia vëmë kufirin tek

Kreu i Partisë Demokratike, Sali Berisha, ka zhvilluar një takim me bizneset e vogla në Tiranë. Berisha u garantoi se do të mbrohen nga taksat dhe nuk do të lejojë që bashkitë të vendosin më shumë se 1% të xhiros.

Kryedemokrati deklaroi se energjia do zbresë në 6 lekë kilovati dhe se do të përgjysmohet edhe çmimi i ujit.

Berisha: Do bëjmë gjithçka për frymëmarrje më të madhe sepse për ne biznesi i vogël është themelor për punësimin e njerëzve. Ne besojmë se duke i shpëtuar nga ngarkesa absurde fiskale, u mbeten para më shumë, e zgjerojnë më mirë biznesin dhe punësojnë dhe të tjerë dhe familjet marrin një mirëqenie më të mirë.

Do ulim çmimin e energjisë me tre herë. Çmimin e ujit me dy herë. Do rrisim tavanin pa taksa nga 140 mijë në 180 mijë euro. Pra, kemi një kuadër emergjence.

Do falim të gjitha gjobat mbi ju. Ata që kanë vendosur gjoba mbi ju do ikin drejt të shkuarës sepse ju keni qëndruar me heroizëm ndaj këtij regjimi që ka menduar se si të rëndojë me taksa biznesin e vogël në interes të oligarkëve.

Prandaj kjo merr fund. Çdo gjobë e vendosur mbi biznesin e vogël do të amnistohet. Çdo gjobë mbi qytetarët do amnistohet. Do ta bëjmë të ecë më mirë sepse do ulim barrën fiskale.

Bashkisë do ia vëmë kufirin tek thana, që të mos guxojë të vërë taksa më shumë se 1 përqind të xhiros, tani shkojnë në 8 përqind të xhiros dhe ato para i kthejnë në patronazhistë dhe rrush e kumbulla.

I bindur të jesh se unë e mbaj fjalën. Do të përpiqemi që t’u ecë më mirë ju biznesi, sepse ky është interesi juaj, por edhe i shoqërisë. Sepse e zgjeron biznesin, punëson dikë më shumë.

Ato që merr shteti në mënyrë absurde me energjinë 18 lekë kilovati, ajo do zbresë në 6 lekë kilovati. Ujin do e përgjysmojmë. Çka është hapësirë publike do zbresë nga 1500 lekë që është sot metri katror, do zbresë në 120 lekë sa ka qenë.

Tavani pa taksa është 140 mijë euro, do shkojë në 180 mijë euro.  Them se me këto i japim një frymëmarrje...

Kënaqësi që jam tek ju për t’u informuar për programin tonë sepse ne besojmë se programi ekonomik i çdo force politike, i intereson çdo qytetari.

Për ne, biznesi i vogël ka përparësi shumë të madhe sepse punëson më shumë se çdo biznes tjetër. Dhe punësim do të thotë rrogë, do të thotë jetesë më e mirë.

Për biznesin e vogël do ulim energjinë nga 18 në 6 lekë. Do rrisim tavanin e taksave nga 140 mijë në 180 mijë euro pa taksa. Hapësira publike do u jepet me një çmim shumë herë më të ulët. Do falim të gjitha gjobat që janë vendosur mbi ju. Çdo gjobë do falet mbi biznesin e vogël.

Ndërkohë, minimumi jetik për çdo shqiptrar, për çdo pensionist me çfarëdolloj pensioni qoftë. Nuk do ketë pension nën 200 euro. Nuk do ketë njeri me ndihmë ekonomike nën 200 euro.

Do bëjmë gjithçka për listën e ilaçeve. Tani po lexoja, para se të vija këtu, një analizë zyrtare të INSTAT. Tregonte se nga viti 2019 gjer në vitin 2023, shpenzimet nga xhepi për shëndetësi të qytetarëve shqiptarë janë rritur 41 përqind.

Të fundit