Boçi tregon mesazhet e qytetarëve: Shkollat i janë dorëzuar pandemisë, me qindra mësues janë të infektuar

Ish-deputeti Luçiano Boçi ka reaguar pas deklaratës së kryeministrit Edi Rama dhe ministres së Arsimit Evis Kushi se shkollat nuk janë vatër e rrezikshme e përhapjes së virusit.

Ai ka publikuar në rrjetet sociale dy mesazhe nga qytetarët, ku thuhet se rastet me koronavirus në shkolla po mbahen të fshehta.

Boçi i ka quajtur mashtrime deklaratat e Ramës dhe Kushit, ndërsa shton se e vërteta është se "mësuesit që kanë humbur jetën janë me dhjetra! Mësues të infektuar janë me qindra! Fëmijë të infektuar janë me mijëra!"

Ai thotë se kryeministri Rama nuk do të shpenzojë para për të menazhuar situatën e pandemisë në shkolla.

Postimi i plotë:

MASHTRIM-20

Si tha Rama me Ministren e tij fasadë?!

“Shkollat janë vendet më të sigurta se çdo vend tjetër nga covid-19”!!!!?

Mashtrim më spektakolar se ky nuk gjen!

Mashtrim-20 në analogji me covid-19.

Ndërkohē e vërteta është krejt ndryshe.

Mësuesit që kanë humbur jetën janë me dhjetra!

Mësues të infektuar janë me qindra!

Fēmijē tē infektuar janë me mijëra!

Dhe asnjë masë financiare të dedikuar ndaj tyre.

Shkollat i janë dorëzuar pandemisë, sepse Rama nuk do të harxhojë asnjë qindarkë për kujdesin ndaj nxënësve, ndaj prindërve të tyre e ndaj mësuesve.

Mjaftojnë këto dy mesazhe mes qindrave, që ngrejnë alarmin për gjendjen në shkolla dhe hedhin poshtë mashtrimet e Ramës dhe fasadës së tij.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm